Dizionari de Lenghe Furlane

pontât  pon|tât  [AF]

1. p.pass., adi. viôt pontâ , viôt pontâsi
2. adi. poiât o cjalcjât cuintri di alc o di cdn.:  Toni si plantà tal mieç de cumiere cu lis gjambis a larc strenzint cu lis mans il mani de pale pontade te tiere (Tarcisio Venuti, La cjase di Toni)
   
   1. metût intune cierte direzion:  al lave indenant cul mitra pontât te schene (Roberto Ongaro, Il muc); «Chel al è Martinis», i veve dite so pari, cul dêt pontât cuintri il cuadri (Cristina Noacco, Faliscjis)
   2. (fig.) che al à une cierte disposizion, un ciert indreçament, un ciert ecuilibri psicologjic, funzionâl, politic, economic e v.i.:  vuê il Friûl al è dome une code di un imprest istituzionâl dal dut pontât su Triest (Dree Valcic, La nestre autonomie e je une scjatule vueide)
3. adi. fermât, mendât o ornât cun ponts di cusidure:  jevât a la svelte, si veve metût aduès la gabanice verduline pontade ca e là, e lis vosis su lis scarpis tondis di campagne (Maria Forte, L'aventari pal barcon); il grant vêl di sede neri pontât di fîl di aur (Pieri Somede dai Marcs, La Madone dai siet dolôrs)
   
   1. (fig.) caraterizât o ornât di ponts:  un larc trimâ di arint / al ven dal cîl / pontât di stelis (Pieri Somede dai Marcs, Il ceri)
      Sin. pontizât , pontinât
4. adi. tignût sù cun pontis, cun supuarts:  il plan de armadure che a lavoravin lôr nol jere ben pontât (Agnul di Spere, Fieste di inaugurazion)
   Sin. sapontât , supuartât , sostignût
5. adi. infetât, intacât di une malatie:  diviars talians, intune visite fate a ducj dal miedi rus, a jerin pontâts sui polmons (Bepi Zampar, Diari di presonie)
6. adi. che al à bevût alcolics:  chê altre sere, su la coriere, tu jeris pontât un freghenin e tu sberghelavis, tu blestemavis, tu disevis macacadis (Josef Marchet, Lis predicjis dal muini); bande Udin, la spaltade dal borc e jere plene di int, cualchidun vistût di mascare, cualchidun za biel che pontât (Carli Pup, Se il mont si strucje); un grop di gavanei, za ben pontâts, al jentrà tal locâl (Raffaele Serafini, Soreli jevât a mont)
   Sin. becât , becât sot di une ale , bevucjât , bevût , çuvit , imbarlumât , imbarlumît , imberlît , imbramît , impiât , incarburât , inceât , incerât , incjocât , inçussît , inevreât , invreasât , madûr , ticât , vreasât , cjoc¹ , legri , plen , carburât , pontât sot di une ale , çurul¹ , cuet¹ , çurulît , inçurulît
7. adi. [TS] enol. di vin, che al à cjapât di garp
   Sin. garp
8. adi. che al à e che al mostre fastidi, ofese, rabie:  Gjigji (pontât): "Al mi mene simpri pal nâs, lui!" (Arturo Feruglio, Un grop sul stomi)
   Sin. sustât , ofindût , rabiât