Dizionari de Lenghe Furlane

ticât  ti|cât  [CO]

1. p.pass., adi. viôt ticâ , viôt ticâsi
2. adi. che al à cjapât un colp e che si è un pôc rot, che i mancje cualchi tocut o che al à cualchi crevadure:  il fûc al ardeve su la place e dentri da la aghe ferme e sui veris ticâts des cjasis (Dino Virgili, La aghe da pît la cleve)
3. adi. che al à bevût un pôc masse alcolics e che nol è in cundizion di resonâ ben, di controlâ i moviments e v.i.:  cheste storie le à contade par tancj agns a dilunc e co al jere un pôc ticât al zontave che il Duce, dismontât dal otomobil, i veve batût su la spale disintji: "Brâf, Vigji [...]" (Alme Marega Frattini, Une visite in Friûl)
   Sin. becât , becât sot di une ale , bevût , çuvit , imbarlumât , imbarlumît , imberlît , imbramît , impiât , incarburât , inceât , incerât , incjocât , inçussît , inevreât , invreasât , madûr , vreasât , vreâs , in bale , in plene , momât , plen , plomp² , carburât , cuet¹ , çurul¹ , grîs , muardût dal cjan neri , pontât , pontât tune ale , taront , cjoc¹ , çuful , implombât , in briscule , strissulât , stonf , çurulît , inçurulît
4. adi. che nol à la ment dal dut normâl:  "Ma, Anute, sêtu sigure che nol sedi un pôc... ticât, chel omp? Scuse, sâtu" (Guido Michelutti, I siums di 'Sefut)
   Sin. stramp , strambel , mat , matucel