Dizionari de Lenghe Furlane

grîs  grîs  [FO]

1. adi., s.m. di colôr, tra il blanc e il neri:  o intivarin doi soldâts, vistûts di tele grise e verde (Carlo Sgorlon, Il dolfin); la cjase, lungje, strete e grise, e clamave ae sigurece dai siei mûrs, al clip dal so fûc piât (Franca Mainardis, A ôr dal flum); un cîl inmò lustri, e i cuei lontans a svampivin tal grîs rossit (Dino Virgili, La aghe da pît la cleve); benedet chel voli neri, / benedet chel voli grîs, / mi somee une bambinute / che e ven fûr dal paradîs
   Sin. cinisin , fumul , bîs
2. adi. di cjavei o pêi, che a tachin a deventâ blancs:  un çuf dai cjavei grîs, scjampât dal cocon, al cole a intrigâi i voi (Franco Marchetta, Madalene)
   
   1. di cdn., che al à i cjavei che a tachin a deventâ blancs, in gjenar par vie che al è indevant cui agns:  cussì Catinuta, che era 'saromai grisa, a si vedeva tor di se come una ghirlanda di rosi frescjis (Ugo Pellis, Catinuta)
3. adi. di cîl o di timp meteorologjic, cuviert di nûi:  e jere jentrade cence visâsi la Sierade, cu lis sôs zornadis grisis (Pieri Menis, Sul agâr); al jere un dopomisdì di Zenâr crût e grîs (Meni Ucel, Il salam); dal cîl grîs a son vignus jù tancj biei flocs di nêf (Antonella Brugnoli, Michelut al à un amì)
   Sin. nulât , plombin
4. adi. (fig.) caraterizât di pocje ligrie:  la vite mê e je grise. Mi domandi se no à començât a pierdi ogni tinte, dal moment che o ai tacât a slontanâmi dal gno paîs (Gianni Gregoricchio, Trê feminis); nol cjatave altris stradis che chê di rassegnâsi a la sô vite grise (Franca Mainardis, Il sium di Lissandri)
   Sin. avilît , basot , flusc , gram² , grot , lancurôs , malinconic , paturniôs , scûr¹ , suturni , tetri , torgul , torvit
   
   1. s.m. (fig.) cundizion cence ligrie, cence novitâts:  l'om dal so pinsîr nol jere rivât. Dome sclapeçocs, che le varessin lassade tal grîs come che e jere za avonde in chê cjase (Maria Forte, Cjase di Dalban); e po il grîs di lungjis zornadis di no savê ce fâ (Dino Virgili, La aghe da pît la cleve)
      Sin. grisum , marum , avilizion , malinconie , gramece , lancûr , scûr¹

Polirematichis e espressions idiomatichis

• parussule grise loc.s.f.
• vêle grise loc.v.

Proverbis:

• di gnot ducj i gjats a son grîs