Dizionari de Lenghe Furlane

passût  pa|ssût  [AF]

1. p.pass., adi. viôt passi , viôt passisi :  se lu mandavin a passon no i impuartave nuie di menâ a cjase i nemâi ben passûts, e si stufave di stâur daûr (Catarine Percude, L'oseladôr)
2. adi., s.m. che, cui che al à mangjât fin avonde o ancje plui che avonde:  pre Nocent, passût, al ronceuce distirât te poltroncine di vencs e jo, par parâ vie la smare, o ordeni ancjemò un grant di bire scure (Arturo Feruglio, Viaç a Vignesie); in cuindis o vincj agn [di vite dal mus], mai une ore di padin, mai une grampe di meniche, mai une volte di mangjâ passût (Josef Marchet, Lis predicjis dal muini)
   Sin. saceât , suplît , sazi , plen
3. adi., s.m. che, cui che al à lis formis bondantis e grassis di cui che al mangje simpri bondant:  siôr Agnul, passût di muse e gjubiâl, si tignive strente chê fie che e jere la lûs dai siei voi (Maria Forte, Cjase di Dalban)
   
   1. (fig.) ancje di alc di inanimât, che al à une forme sglonfe o taronde:  un biel armâr di chei passûts par denant (Maria Forte, Cjase di Dalban)
   2. (fig.) ancje di alc di inanimât, plen di alc:  e ce ande, e ce sigurece, e ce sproc, e ce intraprendence cu lis feminis! E simpri vistût di fieste e simpri une golarine par ca, e simpri il tacuin passût! (Josef Marchet, Lis predicjis dal muini); chê tiere malandrete, passude di claps di riul (Enrico Martina, Ricuarts e inlusions)
4. adi. (fig.) che a 'nd à vût plui che avonde di alc, che nol sopuarte plui alc:  "Benon, o soi content ancje jo!" al disè il fantat che al jere aromai passût di chê gjile (Roberto Ongaro, Cretevierte); mai no si jere sintût cussì ingomeât, cussì passût di dut, de sô solite vite di ogni dì (Franca Mainardis, Aiar di cjase)
   Sin. sglonf , stuf , suplît
   
   1. ancje in secuence cun altris adietîfs cul stes significât par rinfuarçâju:  o sin in pocjis, aromai. Strachis passudis, disvuedadis, mortificadis. Ma no vinçudis (Antescûr, Ninin)
5. adi., s.m. (fig.) che, cui che al gjolt tal benstâ, che al à bêçs, robis, che no i mancje nuie di ce che i pues coventâ:  Dorine di Luche e vignive di une famee passude e no di contadins (Pieri Menis, Chei di Muraie); so pari al è un bacan passût che salacor nol sa nancje cetante robe che al à tal soreli (Josef Marchet, Lis predicjis dal muini); no àn mai domandât o pratindût, ma simpri cjapât i vanzums che une societât passude, egoiste e classiste ur passave (Antoni Beline, La globalizazion de sensibilitât)

Polirematichis e espressions idiomatichis

• masse passût loc.s.m., loc.adi.

Proverbis:

• ai passûts ancje la mîl ur pâr amare
• cuarp passût, anime consolade
• daspò mangjât e bevût, une prese di tabac e ten passût
• daspò mangjât e bevût, une prese e ten passût
• i passûts a crodin che no ur vegni plui fam
• il passût al crôt che no i vegni mai plui fam
• il passût no i crôt al zun ni il san al malât
• il puar al mûr passût, il siôr di fam, il predi di frêt
• la 'save no je mai passude
• passûts che si è, nissun nol ven a viodi ce che si à te panze