Dizionari de Lenghe Furlane

masse passût    [CO]

1. loc.s.m., loc.adi. che, cui che al à mangjât masse:  chê naie di galopins che e varan fat Dio sa ce gnotolade, e che, masse passûts e plens di vin, in pît di lâ a cjase a durmî a stevin li a sburî fûr il morbin cjantaçant (Catarine Percude, Il voli di chest mont)
   Var. massepassût
2. loc.s.m., loc.adi. che, cui che al è plen di bêçs e di robe:  pre Checo al diseve che un popul nol mûr cuant che al à fam ma cuant che al è masse passût (Dree Venier, Achì Milan: mancul agregâts ma plui cussients)
3. loc.s.m., loc.adi. che, cui che si permet di jessi masse pegri, masse dificil, capriçôs, che al à pocje voie di fâ e v.i.:  si scuen pensâ ognidun ai siei fats e dâi di comedon, lassant ai masse passûts di ogni sete lis grandis idealitâts nazionalistichis o imperialistichis o iredentistichis: antigaiis, mufis, balis, che par solit a servissin nome a scuindi sot vie altris interès (Josef Marchet, Preambul rusin)

Components:

• masse¹ av., adi.inv., pron.
• passût p.pass., adi., s.m.