Dizionari de Lenghe Furlane

massepassût  ma|sse|pa|ssût  [CO]

1. adi., s.m. che, cui che al à mangjât masse:  no soi cjoc e nancje massepassût (Arturo Feruglio, Viaç a Vignesie)
2. adi., s.m. che, cui che al è plen di bêçs e di robe:  i partîts di diestre a ciraran di poiâsi daprûf dai braghessons dal manarin, dai legjonaris de burocrazie e dai massepassûts de grande industrie (Josef Marchet, Diferencis)
3. adi., s.m. che, cui che si permet di jessi masse pegri, masse dificil, sofistic, che al à pocje voie di fâ e v.i.:  te ostarie a jerin uns cuatri massepassûts, pucefadiis che a stavin ridint e cu lis mans inte sachete, a cjalâ (Angelo Covazzi, Ploie a selis)
   Var. masse passût

Proverbis:

• al è mâl vê ce fâ cui massepassûts
• i prins a protestâ a son i massepassûts
• il massepassût no si ricrôt di chel che al à fam
• il siôr al mûr di fam e il puar massepassût