Dizionari de Lenghe Furlane

masse¹  ma|sse  [FO]

1. av. in meniere, misure, cuantitât, intensitât e v.i. esagjerade, in assolût o ancje in relazion a alc di specific:  cenant tune ostarie di Sant Martin, Barbure e bevè dome un dêt [di vin] e e disè che e veve masse cjalt (Agnul di Spere, Vivi a Codroip); jo o volevi comprâ une [biciclete] di corse ma e costave masse (Mario Beltramini, Jo e Graziella); al jere stât dut masse svelt, masse brut, masse tragjic e trement par che il lôr cjâf al ves podût seguî cun clarece i fats (Roberto Ongaro, Il muc)
2. adi.inv. che al è in numar o cuantitât ecessive:  se suntune plante a son masse chilos [di ue], no si po vê un ciert risultât (Redazion il Diari, Il paleontolic dal vin furlan); masse sâl al fâs alçâ la pression e cressi il pericul di malatiis dal cûr e de circolazion (Guglielmo Pitzalis, Mangje san 2)
   Sin. ecessîf , esagjerât
3. pron. numar ecessîf, timp ecessîf e v.i.:  ["esuberanti"] nol vûl dî vivarôs o malcuiets, ma al vûl dî che a son in masse rispiet al numar sierât stabilît de leç (Riedo Pup, Cinccent a la volte); une dì sant Pieri i domandà al Signôr di lâ un fregul a spas. […] "Va pûr cun Gjo: baste che tu ti ricuardis di no stâ masse." (Catarine Percude, Contents e malcontents)
4. av. une vore, tant, cence la idee negative di ecès, plui dongje dal sens di un superlatîf:  e jo li dut stupidît / mi fermavi a cjalâ: / ma ce biel chist gnûf paîs, / jo mi fermi e o resti ca! / Masse biel, al jere masse biel (Dario Zampa, Masse biel)

Polirematichis e espressions idiomatichis

• masse passût loc.s.m., loc.adi.

Proverbis:

• a jessi masse bogns, si è tratâts di piore
• a sglonfâ masse il balon, al sclope
• a tirâ masse la cuarde, si romp
• ce che al è di masse al va parsore
• ce che al è masse al è masse
• cjase che si fâs in place o masse alte o masse basse
• cuant che a 'nd è masse parons, si po fâ ce che si vûl
• cuant che Diu al vûl cussì, nol è nuie di masse
• cui che al fâs fabricâ al à bêçs in casse, cui che al fâs piturâ ind à di masse
• cui che al promet masse nol manten nuie
• cui che al scomence masse voris no 'nt finìs nissune
• cui che al vûl jessi masse dret nol è maladet
• cui che al vûl jessi masse maladet nol va dret
• cui che al vûl savê masse al sa di chel savôr che mi capîs
• cui che i vûl masse ben ai fis ju tradìs
• cui masse e cui nuie
• dal pôc si gjolt, dal masse si fâs gnocis
• fabricâ cui bêçs in casse, piturâ se a 'nd è masse
• il mâl che si vuelisi di bessôi nol è mai masse
• il mâl che si vûl nol è mai di masse
• il masse al è malsan
• il masse e il masse pôc a disjustin ogni mistîr
• il masse e il masse pôc a dissipin ogni mistîr
• il masse interès al sfondere la borse
• il masse litigâ al mangje la robe
• il masse savê al fâs falâ
• l'om che al alce masse il bocâl al devente un nemâl
• mâl tant masse che masse pôc
• masse amôr ti svuarbe, masse dolôr ti cope
• masse cortesanie e puce di ingjan
• miôr passâ par stupits che par masse svelts
• nuie al è masse pôc
• ogni trop al è masse
• par fâ lis fotis nol è mai masse tart
• pôc nol è masse ma nuie al è masse pôc
• pomâr masse cjamât nol ten sù dutis lis pomis
• tant al è il masse che il masse pôc
• tant baste cu masse
• vuarditi di cui che al promet masse