Dizionari de Lenghe Furlane

formât  for|mât  [AF]

1. p.pass., adi. viôt formâ , viôt formâsi
2. adi. che al è fat di un ciert materiâl o di cierts elements:  la cort aquileiese e jere duncje formade, in buine misure, di elements todescs (Josef Marchet, Cuintristorie dal Friûl fin sot la Italie); par semplificâ ti disarai che l'esistent al è formât di robis che o podìn viodi e di altris che no podìn ni viodi ni imagjinâ (Fabian Ros, Il lôf)
   Sin. componût
3. adi. che al è rivât al svilup complet:  la blave e jere za alte, cu la panole formade (Carlo Sgorlon, Ombris tal infinît)
   
   1. che al à dutis lis capacitâts che i permetin di puartâ insom une ativitât:  cence risorsis e cence personâl formât e disponibil no si va indevant (Luche Nazzi, Furlan a scuele, prin belanç)
4. s.m. dimension, soredut modulâr o standardizade o misurade, di un sfuei, di un libri, di une fotografie e v.i.:  200 pagjinis scritis dutis par furlan (in formât 29 par 21) (Laurin Zuan Nardin, Sante Marie, Merêt e Roncjetis)
   Sin. dimension , misure
   Cfr. fate , model , stampe
   
   1. [TS] inform. sisteme convenzionâl par struturâ dâts o supuarts di dâts:  ducj i tescj di jentrade creis a vegnin convertîts intun formât speciâl SGML (Lenghe di Marcadure Gjeneralizade Standart […]) (Vladimír Petkevič, trad. di Zorç Cadorin, Corpus linguistics)
   2. grandece di cualsisei robe:  "Spio ca, paiazo" e al vevo tirât fôr de sacheto un spinel formât sputnik (Fulvio ReddKaa Romanin, Geologicamente impossibile)
      Sin. dimension , grandece
   3. sorte di prodot, di ogjet, di ativitât che si struture intune cierte maniere:  si pant di une bande la crisi di un ciert formât radiofonic, chel dal fîl diret cui scoltadôrs stant che […] chei che a telefonin in direte a son simpri chei (Max Mauro, Un Friûl difarent: i 90 mhz di Onde Furlane)
      Sin. mût , maniere , formule , model