formâsi
for|mâ|si
[AF]
-
v.pron.intr.
nassi e cressi, sedi di alc di materiâl che di imateriâl:
sot lis scarpis si formin dôs çuculis di nêf che mi fasin lâ çuet (Alan Brusini, Gian Paolo Linda, I forescj);
ator de glesie si è formât un borc, e ancje chel lu clamarin «borc di Madone», e vuê al è un dai plui grancj di Buie (Pieri Menis, Lis leiendis di Buie);
o ai viodût a formâsi finalmentri une valence positive dal jessi furlans (Antoni Beline, No stait a vê pôre di vê coragjo)
Sin. creâsi
, disvilupâsi
, fâsi
, gjenerâsi
, produsisi
, svilupâsi
, vignî
, nassi
, dâsi dongje
-
origjinâsi e cjapâ ciertis carateristichis:
il paisaç dal Glemonàs come che lu viodìn cumò, si è formât, cirche 10.000 agns indaûr, cuant che i glaçârs de ultime glaciazion si son ritirâts (Rino Gubiani, Studi da la evoluzion dal paisaç mediant i toponims)
-
v.pron.intr.
vê un svilup inteletuâl, morâl, professionâl e v.i.:
chi il caratar si formave fra il cidinôr des monts, il blanc des nêfs e tal frêt dai luncs Inviers (Roberto Ongaro, Cretevierte);
mi soi formât dopo de vuere tal moviment neorealistic (Gabriele Zanello, Poz: l'ultin morâr)
Sin. cressi
, disvilupâsi
, madressi
, svilupâsi
-
v.pron.tr.
formâ alc di se stes, par se stes o un cul altri:
di chei timps incà ogni fete de penisule si è formade un so lengaç che al è, di une bande, simpri latin, ma di chê altre simpri diferent (Josef Marchet, Lenghe e lenghis in Italie);
a fuarce di sintî cjançons inglesis mi soi formât un biel vocabolari mentâl di chê lenghe (Checo Tam, La maree nere)