formâ
for|mâ
[FO]
-
v.tr.
dâ la forme, dâ une cierte forme:
si jere fermât a fâ l'Invier su la fornâs, stant che in chê stagjon no vevin cuet dut il modon che a vevin formât (Roberto Ongaro, Cretevierte)
Sin. fâ
, sacomâ
, stampâ
, stampanâ
, stampanâ sù
-
v.tr.
(fig.)
dâ une formazion, dâ valôrs, competencis e v.i.:
l'Istitût Tecnic e Comerciâl Antonio Zanon, che al varès formât i fîs dai contadins par che a deventassin impleâts, segretaris, dipendents des impresis che a nassin aromai par dut il Friûl (Angelo Floramo, Cuintristorie dal Nûfcent 1950-1960);
La Universitât dal Friûl che e veve di permeti ai nestris zovins di studiâ e di formâ la classe professionâl e dirigjente di cheste tiere le vin otignude (Adrian Cescje, Tal non di Fausto Schiavi)
Sin. costumâ
, inscuelâ
, insegnâ1
, inviâ
, plasmâ
, sfrancjâ
, tirâ sù
-
v.tr.
meti intune un complès fat di plui elements o personis, ancje daûr di un ciert ordin:
Maurizio, chel che dopo al à formât il grup punk dai Krisma (Checo Tam, Beromünster e Monteceneri);
no si tratave di formâ un partît o un grup di azion politiche, ma une socie di studi e di analisi politiche de situazion specifiche furlane (Adrian Cescje, Memoriis di politiche linguistiche)
Sin. componi
, costituî
, dâ adun
, dâ dongje
, fâ
, fâ sù
, jessi1
, meti dongje
, tirâ adun
-
v.tr.
cjapâ une cierte forme, jessi part di alc che al à une cierte forme, nature, cualitât e v.i.:
i Langobarts si jerin aromai ducj messedâts cui antîcs abitants dal Friûl e a formavin un sôl popul (Josef Marchet, Cuintristorie dal Friûl fin sot la Italie);
viodûts dal alt, i coridôrs a jemplin lis stradis come afluents di un flum che al forme un estuari impressionant (Cristina Noacco, Faliscjis)