componi
/-pò-/
com|po|ni
[AF]
-
v.tr.
meti dongje, spec. intun ciert ordin:
mosaiciscj, famôs e preseâts in dut il mont pe lôr abilitât tal taiâ lis pieris e tornâ a componilis in figuris (Angelo Floramo, Il misteri dai Mosaics);
o esel dome che jo i discusivi la zent dal sio jessi e i la componevi ta la mê flaba? (Novella Cantarutti, Fat di voladia)
Sin. dâ dongje
, fâ dongje
, meti adun
, meti dongje
-
formâ un complès:
lis realtâts teritoriâls disferentis che a componin il Friûl - provinciis di Gurize, di Pordenon e di Udin - a van valorizadis te identitât (Luche Nazzi, Une firme pe samblee dal Friûl)
Sin. dâ dongje
, meti adun
, meti dongje
, formâ
-
v.tr.
ideâ e produsi une opare di art, massime musicâl o leterarie:
Wranty Venceslav […] a Gurize al à componût tante musiche sacre, conservade tal archivi storic provinciâl (Alessio Screm, Gurize, tiere di musiciscj e di compositôrs);
la famose cuistion omeriche: la discussion prin di dut se il stes autôr al vedi componût sedi la Iliade che la Odissee (Sandri Carrozzo, Pierluigi Visintin, Jentrade de Odissee)
Sin. butâ jù
, creâ
, dâ dongje
, distindi
, ideâ
, imagjinâ
, inventâ
, meti jù
, produsi
, prontâ
, realizâ
-
v.tr.
fâ finî une discussion, une barufe, un contrast e v.i. intune maniere acetade e condividude:
a jerin nassudis tensions internis che il president Sclâf nol rivave plui a componi (Adrian Cescje, Memoriis di politiche linguistiche)
Sin. conciliâ
, cuietâ
, disbratâ
, distrigâ
, justâ
, pacificâ
, padinâ
-
v.tr.
preparâ un muart pal funerâl:
e je lade jê a componilu, chel muart (Laurin Zuan Nardin, Il cop)
Proverbis:
- il pecjât dal von, il nevôt lu compon