inventâ
in|ven|tâ
[FO]
-
v.tr.
pensâ e creâ alc che prime nol jere:
in dì di vuê, se di une bande a inventin alc di gnûf par lavorâ di plui o par lavorâ miôr, l'an dopo la novitât e je za cognossude e doprade a lunc e a larc (Riedo Pup, Nonos e nonis a nauli);
Alessandro Volta al invente la pile eletriche (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. cjatâ fûr
, ideâ
, imagjinâ
, inficjâsi
, inventâsi
, pensâ
-
v.tr.
vê pensadis origjinâls, curiosis:
a 'nd inventave simpri une o par cjapâ cualchi franc o par fâ mateâ e ridi la int (Pieri Somede dai Marcs, La ultime baronade)
-
v.tr.
imagjinâ robis che no son veris o reâls:
un esempli une vore cognossût di cemût che il cerviel al invente sei il mont sei il sogjet al è l'insium (Franc Fari, La evoluzion dal çurviel e de cussience tai vertebrâts)
Sin. imagjinâsi
, tirâ fûr
, mateâ
, pensâ
, pensâsi
, impensâsi
-
ideâ e dî bausiis:
nol jere nancje just che chê lengonate e vignìs a sputanânus, che inventàs robis dal mio Bepo (Pieri Somede dai Marcs, Il prossim);
jo no soi bon di inventâ nuie e no soi bon di dâle di intindi (Pieri Somede dai Marcs, La veretât e va ben simpri dite)
Proverbis:
- cui che al à inventât la cjarte nol à savût dismetile
- il mont al cres ma nol invente