stampâ
stam|pâ
[AF]
-
v.tr.
riprodusi cuntun procès di stampe, in origjin formant une mari di materiâl dûr, pal solit plomp, cun scritis o figuris, passantle cun ingjustri e pressantle su cjarte, tiessûts o altri materiâl li che al restave il segn di chês scritis e di chês figuris; cumò ancje cun altris procediments che a rivin a chel stes risultât:
tal mês di Mai dal 1921 al ven stampât a Bologne il prin numar de riviste politiche e culturâl "La Patrje ladine" (Donato Toffoli, Lidrîs pal pinsîr autonomist)
-
fâ riprodusi cuntun procès di stampe:
chest preambul al ere necessari / par spiegâ la rason / che l'è un pieç che no stampi il mio lunari; / e ancje cumò, par dîle in confession, / lu stampi par fâ bêçs, no par morbin (Pieri Çorut, Il Strolic mezan par l'an 1866)
-
v.tr.
produsi doprant un stamp:
par une dade al spesseave a stampâ [modons] tant che une machine pal gust di fâmi cori di plui (Pieri Menis, La scuele dai fornasîrs);
al saveve dut sui modons: de cualitât de tiere che e covente par fâju a la maniere par stampâju (Roberto Ongaro, Cretevierte)
-
v.tr.
segnâ cuntune impression:
stampâ une decorazion te arzile tenare
-
lassâ un segn:
il talon, discjapinele, al stampave une olme di bagnât sul solâr (Dino Virgili, La aghe da pît la cleve)
-
(iperb.)
dâ cun fuarce:
i leve intor come par câs al fantat e i stampave su la muse une bussade cun chê sô bocje frescje e cjantarine (Alan Brusini, Come tai romançs)
-
v.tr.
(fig.)
fâ che alc al comparissi e che al sedi clâr:
cheste ande gaiarde i stampave su la muse tonde une tinte di rose che je faseve pardabon plui biele (Gianni Gregoricchio, Îr e doman)