sacomâ  sa|co|mâ  [CO]

  1. v.tr. dâ une forme, un profîl:  al è miârs di agns che l'omp al drope la tiare, la arzile, e al si è inzegnât un pôc a la volte a sacomâle (Novella Cantarutti, Calendario della Libreria Tarantola, 1988)
    Sin. sacumâ , sagomâ
  2. v.tr. fâ vê ciertis carateristichis:  ducj chei fats che in cheste crosere di civiltâts e àn sacomade la storie dal nestri popul (Gian Carlo Menis, La nassite de plêf di Sant Scjefin di Cjavaç)
  3. v.tr. jemplâ di aghe un contignidôr di dovis, di maniere che il len si sglonfi e si cometi ben:  [i vassiei] che vegnin emplâts di aghe par sacomâju, al è necessari, a pene ritirâts a cjase, di viarziju, di netâju de puinte, di gratâju se fos cualche part mufide, e di esponiju a suiâ ben a la arie (Giuseppe Ferdinando del Torre, Il contadinel. Lunari par l'an 1867)
  4. v.tr. verificâ la precision, la justece di une misure:  o ai fat sacomâ e bolâ dutis lis misuris di vin e di gran (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
  5. v.tr. jemplâ dal dut:  un past come che a 'nd à viodûts pôcs ancje lui, siôr Meni! pa la cuâl lu pues sigurâ che o vin sacomât el bugjel in ordin... (Arturo Feruglio, El lunis di Titute Lalele)
  6. v.tr. sodisfâ dal dut:  cheste brave persone sarà ca dibodibot a sacomâ le nestre curiositât (Giuseppe Dondo, Le curiositât sacomade)