costituî
cos|ti|tu|î
[FO]
-
v.tr.
dâ dongje, soredut in maniere uficiâl, un grup, une struture, un ent, une istituzion, di maniere che al tachi a fâ une funzion:
intal 1971 e ven organizade une racuelte di firmis pe Universitât dal Friûl e ai 10 di Fevrâr al ven costituît il "Comitato per l'Università friulana", president Tarcisio Petracco (Fabian Ros, Il fotogram mancjant. Un Friûl cence memorie storiche audiovisive)
Sin. fondâ
, formâ
, imbastî1
, impastanâ
, implantâ
, inmaneâ
, instaurâ
, istituî
, meti dongje
, meti sù
, organizâ
, pastanâ
-
v.tr.
(fig.)
massime tal lengaç gjornalistic o divulgatîf, formâ, pal solit ancje cun significât une vore gjeneric che si pues sviciâ a chel di "jessi":
la coerence de teorie e sta te coerence e tal mantigniment dal progjet umanistic che le costituìs (Adrian Cescje, Viaç aes origjins dal Logos);
l'ossigjen, inte forme molecolâr (O2), al costituìs il 28% dal aiar (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
in tancj câs la dimension dal turisim e costituìs une des fuarcis in stât di contribuî in maniere concrete ae "struturazion" dal teritori (Attilio Celant, Il rûl economic dal turisim in Italie)
Sin. formâ
, jessi1
, compuartâ
, rapresentâ