Dizionari de Lenghe Furlane

fondâ  fon|dâ  [FO]

1. v.tr. tacâ a fâ sù fasint lis fondis:  come che al fonde un lûc il moredôr (Pieri Mation, Il nît)
   Sin. costruî , fâ sù , meti sù , tirâ sù
2. v.tr. fâ un insediament:  co Cesar al à fondât Tresesin, al à fat fâ subit une muraie cuadrade par meti a sotet i soldâts e i cjavai (Alan Brusini, Amîs come prime)
   Sin. fâ sù , impastanâ , istituî , meti sù , pastanâ , plantâ , tirâ sù
   
   1. fâ nassi une istituzion, associazion, un ent e v.i.:  tal 1987, cuant che propit inte sede de Cooperative di informazion furlane un trop di personis si da adun par fondâ la Associazion teatrâl furlane (Max Mauro, Un Friûl difarent: i 90 mhz di Onde Furlane)
      Sin. costituî , dâ dongje , fâ dongje , fâ sù , impastanâ , implantâ , instaurâ , istituî , meti adun , meti dongje , meti sù , pastanâ , plantâ , tirâ sù
3. v.tr. (fig.) basâ, dâ une cierte base, une cierte fonde e di li disvilupâ il rest:  fondâ la ricostruzion de Europe propit su dut ce che nazionalisims e ditaturis a vevin menaçât (Marc Stolf, Corsiche, Scozie, paîs Basc, Catalogne, Friûl… Europe); la Regjon Friûl - Vignesie Julie e fonde la sô autonomie e la sô specialitât juste su la presince fuarte des trê comunitâts linguistichis (Donato Toffoli, Relazion dal Grup di lavôr "Planificazion linguistiche")
   Sin. basâ , fâ sù , fermâ , impastanâ , implantâ , pastanâ , plantâ , poiâ , sapontâ , stabilî , tignî sù , tirâ sù
4. v.tr. filos. cirî e determinâ il fondament di une realtât o dal savê
5. v.tr. (ancje fig.) fâ lâ insot:  a scoltin il gothic-rock che al fonde lis sôs lidriis tal post-punk (Checo Tam, La maree nere)
   Sin. infondâ , sprofondâ
6. v.tr. fâ deventâ plui font:  bisugne che tu fondis di plui chê buse (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. infondâ , sprofondâ

Proverbis:

• cui che al fonde sul popul si plante tal savalon