patrimoni
/-ò-/
pa|tri|mo|ni
[FO]
-
s.m.
[TS]
dir.
ce che une persone fisiche o juridiche e à in proprietât e che al è sot di un complès di dirits e di dovês di nature economiche e fiscâl:
il patrimoni des societâts al vignive des cuotis che ogni associât al meteve jù (Adrian Cescje, Liniis di storie sociâl e economiche dal Friûl 1500 - 1800)
-
s.m.
complès di bens di une persone o famee:
gjenerazions de sô int là dentri a vevin vivût, lavorât, metût insiemi un patrimoni (Pieri Menis, Chei di Muraie);
pretescj di ereditâts, di patrimonis, di divisions, di dirits (Federigo Comelli, Il me paîs)
Sin. avê
, capitâl3
, sostance
, stât2
-
grande sume di bêçs:
«Al costarà un patrimoni! [un cjaval]» «O pues permetimal, come che tu viodis.» (Carlo Sgorlon, Il dolfin)
Sin. capitâl3
, monede
-
(fig.)
cualsisei complès di elements positîfs:
il vin che si oten [de ue di picolit] al devente alcolic e dolç, cuntun patrimoni aromatic siôr e interessant (Enrico Peterlunger, Storie curte de vît in Friûl)
-
s.m.
(fig.)
complès dai valôrs o carateristichis di une persone o di une comunitât, che al risulte de esperience, de storie, de tradizion e v.i.:
al fevelave cul visitadôr doprant une stranie calme, une serenitât costruide, patrimoni di une esperience fate sù dì par dì tant che un mûr di modons (Franca Mainardis, Aiar di cjase);
cun chê panadute che e je la regjon a statût normâl […] no si po salvâ il nestri patrimoni di lenghe, di tradizions, di usancis, di serietât, di caratar (Josef Marchet, Lôr no molin e nô no molìn)
Proverbis:
- il lot al è il patrimoni dai coions