gjat
gjat
[FO]
-
s.m.
piçul felin, lat.sient. Felis silvestris catus, dumiesteât e tignût cuintri des surîs e a vuê soredut par compagnie:
il gjat al gafave calm i pes, cuntun pas a pene svelt al lave a mangjâsai su la strade (Agnul di Spere, Int no consumade);
al veve un gjat in cjase pôc mancul vieli di lui, fof, neri, cun doi oreglons smorseâts in mil scanis di amôr (Meni Ucel, Il gjat);
il frut al corè vie lizêr tant che un gjat (Carlo Sgorlon, Prime di sere);
la cussience a voaltris us e à mangjade il gjat (Alan Brusini, Il mâl dal tor)
Sin. gnau
, mamau
, mau
, min
, muci
, tui
, tutui
Cfr. ronfâ
, ronronâ
, fâ fûs
, sgnaulâ
, soflâ
-
s.m.
(fig.)
persone une vore furbe:
no stâ a fidâti di dut ce che ti conte… al è un gjat di chei
-
s.m.
grum di polvar, spec. chel che si da dongje sot dai mobii:
ce cragne: un dêt di polvar pardut, veris che no passe la lûs e gjats cussì sot dal jet!
Sin. gjate
Polirematichis e espressions idiomatichis
Proverbis:
- a freâi la schene al gjat, al drece la code
- a tratâ cui gjats si reste sgrifignâts
- al vûl mistîr in dut e lassâur cjapâ lis surîs ai gjats
- bisugne lassâi la sonze in bocje ai gjats
- bisugne lassâi piâ lis surîs ai gjats
- cjacare no pas gjat
- cuant che il gjat al mancje, lis surîs a balin
- cuant che il gjat nol è in paîs e fâs fieste la surîs
- cuant che no si sa i fats, si lasse la surîs ai gjats
- cuant che nol è a cjase il gjat, a saltin lis surîs
- cui che al ame i gjats al ame ancje lis feminis
- cui che al nas di gjat al pie surîs
- cui che di gjat al nas al cjape surîs a scûr
- cui che di gjate al nas surîs al pie e se no 'nt pie, no je sô fie
- di gnot ducj i gjats a son grîs
- ducj i guscj a son guscj, al diseve il gjat che si lecave il cûl
- dulà che no son surîs nol cor il gjat
- dulà che nol è il gjat a bale la surîs
- dut chel che di gjat al nas surîs al cjape
- freii la schene al gjat che al dreçarà la code
- fûr il gjat, la surîs a bale
- i gjats no muerin se no batin il nâs
- il gjat al va tant al ardiel fin che i lasse la çate
- il gjat se nol muart al sgrifigne
- l'uciel in man al frut, la surîs in bocje al gjat, lis disgraciis in man al avocat
- la femine e à il cjâf di gjat
- lasse cjapâ lis surîs ai gjats
- lasse piâ lis surîs ai gjats
- lassii cjapâ la surîs al gjat
- lis feminis a son tant che i gjats che se no sbatin il nâs no muerin
- ni par bondance ni par cjaristie no reste la cjar in becjarie che il cjan o il gjat le puartin vie
- no bisugne gjavâi lis surîs di bocje ai gjats
- no covente pandii al gjat la puarte de cjanive
- polente e lat, il past dal gjat
- si amin tant che il cjan e il gjat
- un bon avocat al fâs passâ par cjan ancje il gjat