Dizionari de Lenghe Furlane

gjate  gja|te  [AF]

1. s.f. esemplâr feminin di Felis catus, viôt gjat :  intor dai bregons si sfreolave une vecje gjate che, dopo mangjât, e lave a pierdisi tal colôr dai cops (Maria Forte, Mabile la Lunghine)
   
   1. (fig.) in metaforis o paragons, riferît a personis, spec. a feminis, che a àn cualchi carateristiche che par stereotip si calcole tipic des gjatis, tant che la elegance, la sensualitât, la lussurie, la misteriositât, la falsetât e v.i.:  lis fiis de Baldine a jerin cognossudis in lunc e in larc, cinc gjatis in sfree, dutis compagnis (Pieri Menis, Chei di Muraie); to fi Turo al ti à menade dongje la Vera de Gnoche, vergjine e pure tant che la gjate de comari (Josef Marchet, Lis predicjis dal muini)
2. s.f. [TS] zool.com. non gjeneric des ruiis pelosis des paveis, in particolâr di Nymphalis polychloros
3. s.f. [TS] bot. non gjeneric di plui plantis pelosis o spinosis, tant che Carduus nutans, Cirsium vulgare, Ononis spinosa, e plui speciis di Eryngium
   Cfr. burâl , buralze , spinàs , burale , boregne , salate di mus , burale turchine , gjate blancje , gjate turchine , gjatis celestis , cjatis zalis , sbursins , sgarç
   
   1. pome spinose dal lavaç di lacais, che si tache tai vistîts, tal pêl des bestiis e v.i.
      Sin. riç²

Polirematichis e espressions idiomatichis

• gjate bagnade loc.s.f.
• gjate marangule loc.s.f.
• gjate marantule loc.s.f.
• gjate vuarbe loc.s.f.

Proverbis:

• ce colpe aie la gjate se la massarie e je mate?
• cui che al à gjatis che ses dispeteni
• cui che al sparagne, la gjate e magne
• ducj i guscj a son guscj, e diseve la gjate di Aquilee
• no bisugne cjoli une gjate tal sac
• no si compre la gjate tal sac
• no stâ mai cjoli une gjate intun sac
• se la gjate no je in paîs, a fâs fieste la surîs
• se la gjate no je in paîs, a fâs sagre la surîs
• se la massarie e je mate, no stâ dâi la colpe a la gjate
• une gjate no si sgrace mai sole