diestri
/-é-/
dies|tri
[FO]
-
adi.
de stesse bande dal cuarp là che e je la man che la plui part des personis e dopre cun plui fuarce e plui precision:
se a une persone i ven un acident tal emisferi diestri dal cerviel, i ven une emiparesi te bande çampe dal cuarp (Franc Fari, Il cjâf dai furlans);
il balon al le a petâ sul so zenoli diestri (Agnul di Spere, Usgnot partide di balon)
Sin. dret
Var. gjestri
-
di toc di vistiari, che si met di chê bande dal cuarp:
la acuile ricamade di Beltram, che e vignive cuside su la manie diestre (Dree Valcic, Che nissun al tocji la bandiere!)
Sin. dret
-
adi.
rispiet di cui che al cjale, de bande che e corispuint ae man che la plui part des personis e dopre cun plui fuarce e plui precision:
«Selletta Freikofel», un çuc sul flanc diestri, parsore Pas Cjaval (Pieri Menis, La vuere sul Freikofel)
Sin. dret
-
riferît aes rivis di une aghe, si considere cjalant de bande che la aghe e cor di rive jù:
Preon al è un paîs de Cjargne a plui o mancul 450 m s.n.m. dilunc de rive diestre dal Tiliment (Francesco Gobbo, Gjeologjie e paleontologjie ator di Preon)
Sin. dret
-
s.m.
[CO, TS]
sport
tal pugjilât o in altris sports di contat, pugn dât cu la man che la plui part de int e dopre cun plui fuarce e precision:
Carnera al è deventât campion dal mont dai massims tal 1933, butant jù Sharkey cuntun diestri te seste riprese
Sin. fret
-
tal balon, tîr fat cul pît che al è de stesse bande di chê man:
dal limit de aree al fâs partî un diestri che al finìs jeuste [...] tal cjantonut cun Consigli che al reste paralizât e nol pues fâ nuie altri che viodi la bale che e jentre in puarte (Marc Stolf, Udinese – Sassuolo 2-2)
-
adi., s.m.
che, cui che al à une tindince politiche conservadore:
pal lôr partît, çamp o diestri o mezan, a àn fat di dut: a son stâts spiei di ubidience e dissipline (Josef Marchet, I siops);
doi individuis, dôs personalitâts ben definidis, ma diviersis par caratar, temperament, resonament e ideis. Un al jere diestri e chel altri çamp (Tarcisio Venuti, La cjase di Toni)
Sin. conservadôr
-
adi.
che si môf ben e cun sveltece
-
adi.
che al à o che al mostre abilitât, inteligjence, competence
-
s.m.
tal sing., ocasion, oportunitât soredut casuâl di fâ alc
Cfr. dret
Polirematichis e espressions idiomatichis
