conservadôr con|ser|va|dôr [CO]
- adi., s.m. che, cui che al à posizions politichis che a vuelin mantignî la situazion di podê des classis privilegjadis: e i conservadôrs ce anin mai fat? A volevin fâ la vuere sì, ma no dâ fûr i picumuos par fâle (Dino Virgili, La aghe da pît la cleve); daspò il 1967 il partît conservadôr al à cessât di jessi un fatôr te politiche scozese (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
- adi., s.m. che, cui che al è cuintri dai cambiaments, des novitâts, spec. intal setôr culturâl o sociâl: dal sigûr no jerin chei de çampe in Consei regjonâl che a vevin la culture linguistiche di oponisi ai filologjics conservadôrs: al jere plui facil che a acetassin lis lôr banalitâts in fat di lenghe (Adrian Cescje, Memoriis di politiche linguistiche); la tindince conservadore de architeture dal ’600 de bande di Vignesie, si riflet ancje in Friûl (Bepi Agostinis, Storie de art in Friûl)
- s.m. funzionari incjariât di conservâ bens di interès public, soredut tant che responsabil di istituzions o sezions di istituzions tant che museus, bibliotechis, archivis e v.i.: mi à indreçât alì de architete Silvia Bianco, conservadore de Galarie dal progjet (Bepi Agostinis, Storie de art in Friûl); a Cividât al veve la incjarie di conservadôr dal museu (Elio Varutti, Il Conservatori "Jacopo Tomadini" di Udin)