bulo
bu|lo
[FO]
-
adi., s.m.
(pop.)
che, cui che al à di ande presuntuose e prepotente, che al vûl jessi parsore di chei altris e in câs ancje ju maltrate:
no stâ vê iniment il vueli, che al sarà propit chel che cualchidun ti rinfaçarà; chel di riç, che tu e i tiei bulos o lavis a dâ intai prins agns dal Fassio (Roberto Ongaro, Il muc);
il bulo al rivà adore a molâi dome un colp, parcè che l'om lu veve brincât pe vite (Carlo Sgorlon, Prime di sere)
Sin. bravaç
, fanfaron
, fuflon
, galup
, sbregot
, spacon
, smafar
, baron di place
, machefier
, smargnàs
, smargnasson
-
adi., s.m.
(pop.)
che, cui che si met in mostre, che si svante:
al lave sù e jù pes stradis fasint il bulo, vuidant cuntune man sole e, se cualchi frutat i domandave di provâ, lui i rideve e lu contentave (Maria Forte, Cjase di Dalban)
Sin. braurôs
, braurin
-
adi., s.m.
(pop.)
che, cui che si fide une vore des sôs capacitâts, che al à un alt concet di se stes:
cumò sì che mi sint bulo, bon di cuistâmi ce che mi jeri prometût (Alan Brusini, Gian Paolo Linda, I forescj)
Sin. babio
, sigûr
, fidançôs
-
adi., s.m.
(pop.)
che, cui che al è une vore brâf in alc o che al à tant merit:
al jere bulo che mai in fat di conts (Antoni Beline, Pre Pitin);
il vescul ur dîs che a son bulos a fâ tante strade par viodi il Pape (Alan Brusini, Amîs come prime);
che al no si avilissi: in fonts al è stât bulo e al à fat un biel lavôr (Sandri Di Suald, Ah! la provincie)
Sin. babio
, brâf
, bon