diret
/-èt/
di|ret
[FO]
-
p.pass., adi.
viôt direzi
, viôt direzisi
Var. direzût
-
adi.
che al vûl o che al à di lâ di une cierte bande:
al lassà la ostarie diret viers la cjase di siôr Dree (Roberto Ongaro, Cretevierte)
-
adi.
che al è indreçât a un obietîf o a un fin specific, che al è fat a favôr di cdn. o di alc:
i doi materiâi, chel diret al insegnant e chel pensât pal student, a son in realtât une propueste didatiche e di aprendiment uniche (Luigina Di Giusto, Andrea Guaran, Mauro Pascolini, La culine furlane)
Sin. smicjât
, specific
, indreçât
, dedicât
, destinât
-
adi.
che al va te maniere plui curte di cualchi bande:
al crodeve che il passaç al partìs dal palaç e al rivàs diret te nestre cjamare (Checo Tam, Ombris)
Sin. dret
-
di lûs, che e rive cence jessi rifletude o parade:
e tacà la rive ta la ombre frescje des cjasis, po, parsore, e tornà te batude direte dal soreli (Maria Forte, La tiere di Lansing)
Sin. dret
, plen
-
ancje cun valôr di av.:
a buinore al jevà e, subit fat di gulizion, al le diret là che si jere proponût di lâ: in cjase di Turo Malet (Roberto Ongaro, Il muc)
Sin. dret
-
adi.
(ancje fig.)
cence ostacui, interuzions o robis che sedin tal mieç rispiet a un altri element:
[il tor] al poiave diret sul mûr de façade (Maria Forte, La rive di Sant Pieri)
Sin. dret
-
adi.
cence intermediaris, ancje in funzion di av.:
e je stade presentade une vuide ae vendite direte tes aziendis agriculis in provincie di Pordenon (Elena Zanussi, La gnove maniere di comprâ verdure in Friûl);
Zuan al tignive a ments dut e, dispès, al tratave diret cun Herr Müller che, aromai, si fidave di lui come dal Moro (Maria Forte, La tiere di Lansing);
[la societât medievâl] no si fondave su di un implant di podê teritoriâl ma su rapuarts direts di om a om, struturâts in forme jerarchiche piramidâl (Fabian Ros, La invenzion dal stât)
Sin. dret
-
adi.
che al à une relazion strente cun cdn. o alc:
i ‘Verdi Arcobaleno' in sumis a forin i erêts plui direts di Democrazie Proletarie dal Friûl (Adrian Cescje, Memoriis di politiche linguistiche)
Sin. prin
-
adi.
caraterizât di une comunicazion sclete, li che si disin lis robis a clâr:
il "Siôr Turo" […] al veve un rapuart sclet e diret cui lavoradôrs (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. dret
, franc
, sclet
, viert
-
s.m.
[CO, TS]
fer.
ancje adi., tren che al va plui a planc dal esprès, che al fâs plui fermadis:
il diret al cangjà un fregul la imburide e un machinist al tirà un pacut involuçât ret la puarte dal casel: al jere un regâl di ducj i ferovîrs pal fi di Guri caselant (Dino Virgili, La aghe da pît la cleve)
-
s.m.
[TS]
sport
tal pugjilât, colp frontâl dât cu la man plui fuarte:
une cumbinazion jab jab, diret tal stomi