za
za
[FO]
-
av.
intun moment prime:
la contesse Dal Bas e spietave il tram […]. Un om che al lavorave li ret i dîs: "Parone, il tram al è za lât a Udin" (Alan Brusini, Amîs come prime);
o vin za dit che il mont reâl nol è dome "relativistic", ven a stâi basât suntun spazitimp curvât, ma al è ancje cuantistic (Sergio Cecotti, Teologjie algjebriche)
-
une altre volte intun timp passât:
ancje Rita e taseve, e e veve su la muse chel vêl di ombre che lui i veve za viodût tantis voltis (Carlo Sgorlon, Prime di sere)
-
intun moment che al è adore rispiet a alc altri o che al ven considerât adore:
"[…] Cuant partissial, lui?" "Ogni matine […]! Se cumò voi a visâlu, si rive a cumbinâ [di dâus un passaç fin a Palme] za par doman!" (Stiefin Morat, Donald dal Tiliment)
-
ancje in funz. di prep. par formâ complements di timp, determinant un timp passât:
za agn, a Udin un funzionari - nol covente dî dontri - al veve vincjecinc denunziis sul so cont (Josef Marchet, Il cancar);
za un mês i varès lavât i pîts e bevude la aghe, ma cumò mi soi disfredât, jo ve (Costantino Smaniotto, Co l'amôr al cimie);
za timp, par esempli, il Censis, […] al à proclamât la graduatorie uficiâl dal benstâ in Italie (Riedo Pup, Une robarie ogni miezore)
Sin. za fa
Cfr. indaûr
-
av.
intun moment che al rive dopo di une sucession di events:
za in dì di vuê a 'nd è pôcs o nissun, aromai, che si visin, par esempli, de pelagre (Riedo Pup, I furlans e la fam)
Sin. aromai
, zaromai
, bielzà
, benzà
-
av.
tant che rinfuarcitîf:
za di cualchi timp e jere stade proponude une sô jentrade inte politiche ative (Max Mauro, Un Friûl difarent: i 90 mhz di Onde Furlane);
«Za chista sera al jera destinât; no si podeva fâ nuia» al pensà fra di se (Federigo Comelli, Il me paîs);
se al dure fin ae fin dal an al è za tant (Adrian Cescje, Memoriis di politiche linguistiche)
-
av.
tant che av. di afermazion o di conferme o di constatazion o ancje dome enfatic:
"[…] La prime [pissande] a è in chê busate di là da la aghe: a si clame la Plere. Ma a è un pouc lontane…" "Za; par cumò lassìnle pûr da bande" (Luigi Gortani, Al marcjât di Vile);
a proposit, ti impensistu ai miei timps? Za! Ma tu no tu jeris! (Luciano Rocco, La foghere)
Sin. sì
, propit
-
av.
cun funz. di adi.inv., tal lengaç gjornalistic, par dî che une cierte situazion, cundizion, incjarie e v.i. e jere stade:
al sarà presint ancje Sergio Cecotti […] za sindic di Udin e president de Regjon (Erika Adami, Un pat pe autonomie)
Cfr. ex
Proverbis:
- cuant che i fruts a fevelin, i grancj a àn za biel fevelât
- cui che al à robe al à za zurât