Dizionari de Lenghe Furlane

difûr vie    [CO]

1. loc.av., loc.prep., loc.adi.inv. fûr, tal esterni o ancje di altris bandis, ancje tal forest:  o sint difûr vie un sunsûr, un davoi, int che cor (Arturo Feruglio, Un grop sul stomi); jê ur tignive di man cuant che le clamavin par mandâle a puartâ letaris o strics di cjarte stampade a cualchi amì difûr vie (Maria Forte, Cjase di Dalban)
   
   1. fûr o in plui dal lavôr, de ativitât lavorative principâl o di ce che si fâs o di ce che al sucêt pal solit:  e chest favôr o lu ai fat difûr vie, / sence interès, cussì par simpatie (Pieri Çorut, Il Strolic mezan par l'an 1866)
   2. fûr dai oraris juscj:  sâstu che di fruts, se o mangjavin difûr vie, nus tontonavin: «No stâ ingosâti, che dopo no tu âs fan a past!» (Jolanda Mazzon, Fûr di timp)
   3. in segret, di scuindon, ancje in maniere iregolâr o ilegâl:  i fraruts si rangjavin cul lâ a cirî e par passisi a puartavin la robe ae femine dal cjaradôr par che ur e cueiès difûr vie (Andreina Nicoloso Ciceri, Toni Mat - Racconti popolari friulani I); cualchi volte, bigne ancje robâ, anzit cjoli, che chel nol è robâ, cualchi côç difûr vie (Roberto Ongaro, Cretevierte)
      Sin. disot vie

Components:

• difûr av., adi.inv., s.m.sing.
• vie s.f., av., inter., s.m.sing., prep.