vizi
vi|zi
[AF]
-
s.m.
disposizion usuâl al mâl, ae imoralitât, soredut intune maniere specifiche:
tes cjasis dai siôrs, massime di vendemis, si sbranfe e si gjonde, e Tinorio al imparà prest ducj i lôr vizis (Catarine Percude, L'oseladôr);
e alore privazion, erôr, vizi nol è altri che mancjance di bontât, di virtût, di veretât (Pieri Piçul, Vieri e gnûf)
Sin. abiezion
, depravazion
, mâl
, mende
, pecje
, vuast1
-
s.m.
costum negatîf une vore inlidrisât, dificil di molâ:
"Siôr, o vin il vizi di bevi… une vore… a dutis lis oris… e dut il timp dal an." […] "Uh ce brut vizi che o vês. No savêso che il vin nus fâs deventâ nemâi! […]" (Riedo Pup, Beâts i viei)
-
s.m.
costum usuâl, che si pues calcolâ un difiet o un fastidi o une strambarie, ma che nol fâs pardabon dam:
al è un pôc di timp che ancje i furlans a àn cjapât il vizi di sglonfâ lis bufulis fintremai che a sclopin (Josef Marchet, Lis predicjis dal muini);
puar gno pari al veve il vizi di saltâ fûr ogni tant, tal discors, cun cualchi peraule taliane (Meni Ucel, Mondo birbo)
-
s.m.
detai, element di imperfezion:
Antoni Beline al denunziave gravis deficiencis e vizis tal lavôr inmaneât (Glesie Furlane, La Patrie dal Friûl, Dizionari (e no dome): vonde doprâ il non di pre Toni)
Sin. difiet
, mende
, magagne
, tare
, picagne
, pecje
-
s.m.
[TS]
dir.
mancjance di une carateristiche che i gjave validitât a un at juridic:
un contrat, perfet. Nissun vizi di forme (Riedo Pup, Tal non di Raffaella afârs e guviars);
a vevin disfat il so matrimoni par vizi di origjin (Carlo Sgorlon, Il dolfin)
Proverbis:
- cjaval cence vizis nol vâl nuie
- cui che no i comande al vizi, il vizi i comande a lui
- il cjaval restîf nol lasse il vizi fin che al vîf
- l'ozi al è il pari de miserie e dal vizi
- la bolp e lasse il pêl ma il vizi no
- la bolp e mude il pêl ma il vizi mai
- nuie nol fâs tant mâl che il vizi vistût di virtût
- un vizi al clame chel altri
- vizi di nature si puarte in sepulture