cine
ci|ne
[FO]
-
s.m.
art, tecniche, industrie de cinematografie, ancje cun specificazion di un ciert paîs, o moment storic, o autôr e v.i.:
il cine furlan al nas sul principi dai agns Otante. Il prin film di finzion par furlan al è Maria Zef di Vittorio Cottafavi che al ven produsût de sede RAI pal Friûl - Vignesie Julie tal 1981 (Fabian Ros, Il cine furlan);
il concors bienâl e internazionâl al è viert aes produzions di cine cun dialics e tescj che a sedin almancul pal 50% in lenghe minoritarie o in varietâts locâls (Fabian Ros, Babel Film Festival);
diviersis a son lis iniziativis tal setôr de musiche, dal teatri, dal cine e propit par cheste reson si sint il vueit di un imprest di documentazion di dut chest materiâl che al dedi cont de sô esistence e che salacor al promovi lis miôr produzions (Donato Toffoli, Relazion dal Grup di lavôr "Planificazion linguistiche")
Sin. cinematograf
, cinematografie
, decime muse
, setime art
, grant schermi
-
s.m.
sale li che si proietin i films suntun grant schermi:
la citât si disvuedave, une vore di ostariis a sieravin e, se no si veve voie di lâ al cine, no si saveve ce fâ (Amedeo Giacomini, Tal ospedâl);
difûr al ploveve e al faseve frêt ma i cuatri amîs si sintivin ben, al cjaldut ta chel vecjo cine e protets, niçulâts di chê vôs che ur contave la storie che a viodevin (Checo Tam, Mystical East)
Sin. cinematograf
, sale cinematografiche
-
s.m.
opare cinematografiche:
un machinon scûr ancje chel, sul stîl di chei dai cines, plen di cromaduris (Antescûr, L'om misteriôs);
«Suns Europe - Mostre dal Cine» al sarà tignût a batisim de prime proiezion in assolût in Italie di «Loreak», la pelicule basche candidade ai Oscar pal miôr cine forest (Erika Adami, Suns Europe al impie il Friûl)
Sin. pelicule
, film
-
s.m.
schirie di câs e vicendis, spec. cun sens comic e grotesc:
la sô vite e je dute un cine
-
batibui, ribalton:
lis gnots tes camaradis, fin tart, al jere un cine […] a 'nt fasevin di ogni pêl e al scugnive vignî l'uficiâl di pichet par podê durmî uns cuatri oris (Alan Brusini, I universitaris)
-
persone ridicule e divertente:
o sin muarts di ridi cun Pieri, al è un cine di lui