pestadice
/-ì-/
pes|ta|di|ce
[CO]
-
s.f.
azion e risultât di pestâ, di bati, di fâ dam e v.i.:
se e capite une pestadice di tampieste, se l'Istât al ven masse sut o masse bagnât, se al jentre il viar tes panolis o i torteons tes cecjis o la paveate tes patatis, nol zove nuie ne vê butât ledan (Josef Marchet, Lis predicjis dal muini)
Sin. fracassine
, pestefruce
-
cuantitât di robe pestade, batude, rote e v.i.:
i modons a finivin sparniçâts tune pestadice di savalon e di creps (Maria Forte, Cjase di Dalban);
a restavin lis strecis des vîts cjonçadis, i stocs de blave dut un sbrendul, il forment par tiare dute une pestadice (Nin dai Nadâi, Devozions)
-
preparazion gastronomiche fate di ingredients pestâts o taçâts:
brovadin smuelât e pestât (pestadice), mitût a cuei cun fasûi (Emilia Baldassarre, Ort e cusine);
se tu âs jerbis, salvadiis, coltivadis o fermentadis come la pestadice di viscje, tu fasis almancul une jote (Enos Costantin, Friûl: une patrie di blave)
Cfr. pestât
-
s.f.
scuintri fis e confusionât, fisic o ancje verbâl o di altre sorte:
"Lassaitmi! O voi vie, se no ca e sucêt une pestadice!" (Ercole Carletti, Mariute);
e nassarà une pestadice parcè che la discussion e cjaparà une plee pulitiche sfegatade (Riedo Pup, Il Strolic furlan pal 1969);
dutis chês invasions e pestadicis che a àn scravaçât sore cheste tiere martare (Josef Cjargnel, Madone di Mont)
Sin. fracassine
, pestefruce
-
s.f.
cuantitât di int fisse, soredut in situazions di confusion:
finît di bevi, la puartà di gnûf te pestadice [dal bal] (Alan Brusini, Il svindic di Rosute)
Sin. pestefole
, sdrume
, sdrum
, fole1
, frache
, sdrumerie
, pestefruce