scosse
/-ò-/
sco|sse
[AF]
-
s.f.
moviment imburît e curt, ancje ripetût:
une altre scosse [dal tram] i fâs fâ une corsute indaûr, po dopo une indenant (Lucia Scoziero, Miei prime);
là che al è stât il vêr taramot come a Glemone, Tarcint, Vençon e dute chê zone taramotade, dopo de grande scosse di Setembar, ducj i abitants ju àn puartâts a Lignan, Grau e altris bandis (Mario Beltramini, Jo e Graziella)
Sin. spacade
, sdrondenade
, sdrondenon
, sgorlade
, sgorlon
, sacodade
, scjas1
, scjassade
, scossade
, scosseade
-
s.f.
(fig.)
mudament o turbament improvîs:
disponi il teren par che la gnove sistemazion e puedi jessi graduâl e seguitive, cence grandis scossis e grancj disordins (Josef Marchet, Su altris fondis);
si visave ben sì, Dorine, dal tenent Luccio! Par jê e jere stade une scosse di chês che a lassin il segno a lunc ta la anime (Pieri Menis, Chei di Muraie)
Sin. spacade
, sdrondenade
, sdrondenon
, sgorlade
, sgorlon
, sacodade
, scjas1
, scossade
, scosseade
, scjassade
-
s.f.
efiet dât sul organisim di une scjarie eletriche:
"Ah, la scosse! Ahhhhhhhhhhhhhhhh i fîi scuvierts ce dolôr ce dolôr! Diu ce mâl!!!!!!" (Checo Tam, Sense);
cjapâ une scosse malandrete par vie de aghe, plene di eletric (Bepo Marion, Siôr Dreute)