spavent
/-ènt/
spa|vent
[AF]
-
s.m.
sensazion di pôre une vore imburide:
"Brut vecjo bavôs, sono chescj i spavents di fâ cjapâ a une puare femine? Si puedie savê ce che o fasês ator a cheste ore di gnot?" (Franca Mainardis, Aiar di cjase);
al viodè a vignî fûr un cjan blanc che si metè a baiâ, a baiâ… Vigji, che nol veve la cussience nete, al cjapà un tâl spavent che i le in svierse il sanc: si butà tal jet e vie ancje lui, puar Vigji Carete (Pieri Menis, Sot il puarti);
un zigo di dolôr e di spavent plui grant si jevà dal paîs muribont: Atile! Atile! Atile! (Dino Virgili, La aghe da pît la cleve)
Sin. spac
, spali
, spaghet
, sbigule
, pôre
, fufe
Var. spavint
, spovent
Cfr. pôre
, teme1
, terôr
-
s.m.
(fam.)
persone o robe tant brute che e fâs pôre:
se, culì, cualchi volte si prove a cjantâ alc, cun chês gosatis che o vês, al è un spavent (Josef Marchet, Lis predicjis dal muini);
chê femine, a cjalâle, e je un spavent (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
[TS]
venat.
tes bressanis o tai rocui, imprest che si môf par spaurî i uciei e par fâ che a ledin a parâsi propit li che a son lis rêts:
cuant che tancj a becutavin, su lis jarbis, siôr Meni al tirave il spavent: un fîl a çufs di sclofis, che al poiave par tiare a dilunc de bressane, e che si alçave a colp. Un tradiment pai uciei! (Maria Forte, Cjase di Dalban)
-
s.m.
[BF]
viôt spaventepassaris
-
s.m.
[FÛ]
sfere di metal a pontis che si meteve a contat cu la grope dai cjavai di corse par fâju cori
Polirematichis e espressions idiomatichis
Proverbis:
- se nol è spavent no si cjape uciei