penac
/-àc/
pe|nac
[CO]
-
s.m.
floc o macut di plumis, fîi o di fibris, zontât di bielece in manufats, vistîts, furniments:
la caroce cui doi cjavai neris cui penacs, e veve podût lâ nome de cjase ae glesie, che, de glesie al cimitieri, la stradele a jere masse strete (Roberto Ongaro, Cretevierte)
Sin. penacul
Var. penacj
-
s.m.
infloressence de blave:
pe sagre di Sant Pieri, Zuan al puartave dongje, simpri, lis primis gjambis di sorc cul penac, e lis saldave come bandieris di ca e di là de puarte grande (Maria Forte, La rive di Sant Pieri)
Sin. pinigot
, penacul
-
s.m.
(fig.)
emission di fum che par un pôc al reste in sospension:
une cartuline di Napoli cul mâr, i pins a ombrene e il Vesuvi cul penac di fum (Alan Brusini, Come tai romançs);
te stazion di Innsbruck e jentre biel planc la tradote framieç i penacs sflandorôs dal vapôr e lungjis siviladis che a svein la citât (Ivano Urli, Storie di Vera)
-
s.m.
[TS]
arch.
struture in forme di triangul ingjavât che e fâs di leadure jenfri la circonference di base di une cupule e i mûrs o pilastris che le tegnin sù:
tal 1870 [Lorenzo Bianchini] al ven sielzût par frescjâ il volt de Capele de Vergjine te basiliche des Graciis di Udin. Dentri lis decorazions ovâls […] al à rafigurât vot agnui […], tai penacs cuatri Dotôrs de Glesie (Bepi Agostinis, Storie de art in Friûl)