sclese
/sclé-/
scle|se
[AF]
-
s.f.
toc plui o mancul piçul e spiçât di alc che si è rot o che si è distacât di alc:
di ca e di là a corevin dôs plantis di morârs cui ramaçs çoncjâts fin sul çoc, e par tiere al jere plen di sclesis (Carlo Sgorlon, Prime di sere);
un grumon di veris a tocs, a scaiis, a sclesis, a slambris (Maria Forte, La fortune di Folope)
Sin. stiele
Cfr. scaie
, sclampe
, penule
, riscle
-
in gjenar riferît al formadi, toc a spice taiât de piece o di un toc plui grant:
dopo vê cenât cuntun toc di fertaie e une sclese di formadi, Catine e cjalà fûr dal barcon (Raffaele Serafini, Soreli jevât a mont)
-
(fig.)
cualsisei robe che e puedi jessi part di alc altri, ancje imateriâl, che e puedi vê forme spiçade, che e sedi in cuantitât o misure plui o mancul piçule:
la cjase e restave scuindude jenfri un sium di ramaçs e di frascjis e no si impareve sclese di lusôr (Maria Forte, Cjase di Dalban);
se o vês une sclese di bon cûr, judait il frut di Rosine la Bidule (Josef Marchet, Lis predicjis dal muini);
lu cjalà, cuntune sclese di ridi in bocje e, cence dî altri, e vierzè la portele (Fabian Ros, Un piçul particolâr)
-
s.f.
(zerg.)
fantate o femine une vore biele:
ta chei agns là, gnagne Bete e jere la sô morose: une sclese di femine che e vierzeve i barcons di cjase ogni buinore cjantant che dute la place le sintive (Alan Brusini, Par stradis lungjis)
Sin. sclopon
, sclop