scaie
sca|ie
[AF]
-
s.f.
toc piçul, fin e plac di cualchi materiâl:
un grumon di veris a tocs, a scaiis, a sclesis, a slambris (Maria Forte, La fortune di Folope);
il miedi visitât il malât al fasè sentenzie: une scaie di bombe a man i jere restade tal cjâf; nol jere nuie ce fâ (Pieri Somede dai Marcs, La letare de mame);
une cene di lidric e une scaie di formadi (Roberto Ongaro, Il muc)
Sin. blestre
, lame
, lamine
, lastre1
, sclese
-
(fig.)
cuantitât piçule:
"un nie", "une idee", "une sfrise", "un vêl", "un pêl", "un flic", "un cicinin", "une sclese", "un fregul", "une scaie ", "un tic". In dì di vuê si rît e si scherce su chestis misuris furlanis di alte precision (Raffaele Serafini, B123ST)
-
s.f.
[TS]
tecn., edil.
sclese di piere o di modon che si impire jenfri tocs di materiâl plui grues par fâju sentâ juscj:
Guri al cjale il mûr gnûf: claps grancj, claps piçui, modon, e tai jenfris, scaiis cu la malte (Dino Virgili, La aghe da pît la cleve)
-
s.f.
formazion lamelâr protetive de piel di cierts animâi:
a son pes luncs pôcs centimetris, cul cuarp cuviert di scaiis piçulis (Francesco Gobbo, Gjeologjie e paleontologjie ator di Preon)
-
toc de piel, ancje des personis, soredut dal cjâf, che si secje e che al ven vie:
lis plaiis dal so cuarp e scomençarin alore a sierâsi, e lis scaiis come chês dal pes e colavin jù lassant la cjar netade che e tornave frescje e colôr di rose (Catarine Percude, I viars di sant Jop)
Cfr. schelfe
-
s.f.
(volg.)
femine che e vent prestazions sessuâls, o di pocje moralitât, ancje tant che ofese:
"Scrove, putane, vacje…! Anìn jù a viarzimi." "Omp dal pis, pucefadie, bavôs…! Tu âs di restâ li dute la gnot." "Budiel, scaie, ludre di une vacjate!" (Alviero Negro, Strumîrs e Çambarlans);
tirâsi daûr une scaie cu la cotule a mieze gjambe (Josef Marchet, Lis predicjis dal muini)
Sin. barache
, boldraghe
, buzaragne
, buzarone
, pelande
, petroce
, pufare
, putacje
, putane
, scorsegate
, scrove
, sdroncine
, sdrondine
, sdrondule
, sfondrade
, sfondri
, slondrone
, sludre
, svualde
, svualdrine
, troie
, vacje
, prostitude
, schelfe
-
s.f.
(zerg.)
cuantitât di bêçs che si paie par une sensarie o che si met in plui pûr di cumbinâ un afâr:
il marcjât dai nemâi cui sensârs cul façolet e la baguline e lis vitis che a menavin: «Ca le àn, cinccent e la scaie par une vacje gruesse di luvri e che i mancje nome la fevele» (Alan Brusini, Par stradis lungjis);
il sensâr lu cjapà a bracecuel come par cisicâi tune orele e intant al zigave. E Cuesim a tirâsi di scjampâ, che dibot lassave tes mans la stiriane. L’afâr - dal vincjecuatri cu la scaie! - al deventà li de Penze, cul bocâl su la taule (Dino Virgili, La aghe da pît la cleve)