Dizionari de Lenghe Furlane

lame  la|me  [AF]

1. s.f. toc lunc e fin di metal, o in cualchi câs di altris materiâi, di ogjets fats par taiâ:  la massanghete cu la lame largje no i mancjave mai a Titon, simpri pronte a ubidî cul fîl uçât e lustri (Maria Forte, Chê massanghe plui grande); par fermâ la man di chel birbant, jê veva cjapât in sbalio la lama da la britula e si veva sanganât duta la man (Ranieri Mario Cossâr, Tinuta la sartorela)
   Cfr. tai , fîl
2. s.f. toc lunc e fin, ciertis voltis ancje ben larc, di metal o in cualchi câs ancje di altris materiâi, cun funzions mecanichis o struturâls, ancje no par taiâ:  [il cjaruç al veve] il cjarpint cu lis spinis di fiar, lis stangjis slissis tarondis, ben inferât che lis listis e lis lamis a finivin cuntun biel riçot o cuntune biele rose di fiar (Dino Virgili, Il cjaruç dai Bas); al inclaudà parsore [de agacie par fâ la scraçule] une lame di cjastinâr tant secje che e pareve di fiar (Carlo Sgorlon, Prime di sere)
   Cfr. lastre¹ , plache , stangje
3. s.f. (fig.) cualsisei robe, ancje imateriâl, che e sedi lungje e fine o che in cualchi maniere si puedi calcolâ che e taie:  une lame di soreli e sclarive la linde (Gianni Gregoricchio, Îr e doman); là insom, su la nêf e salte fûr da un grant puarton une lame largje di lûs che e taie in doi il tapêt di nêf (Pieri Somede dai Marcs, Timp di infier)
4. s.f. estension cuvierte di aghis fermis e bassis:  la fumate di palût e monte dilunc i cjanâi e lis lamis, e ingasie di blanc lis cjarandis e lis cisis (Dino Virgili, Friûl di Unviar)
   Sin. agaçâl , cormanie , lamanic , sfuei² , sfueat

Polirematichis e espressions idiomatichis

• lame di for loc.s.f.