Dizionari de Lenghe Furlane

putane  /-à-/  pu|ta|ne  [FO]

1. s.f. (volg.) femine che e vent prestazions sessuâls:  Valter i mostrà une cjadree libare tra lui e Viole, une putane di passe cincuante agns che e jere une presince fisse tal locâl (Amedeo Giacomini, Tal ospedâl)
   Sin. barache , boldraghe , buzaragne , buzarone , pelande , petroce , pufare , putacje , scaie , scorsegate , scrove , sdroncine , sdrondine , sdrondule , sfondrade , sfondri , slondrone , sludre , svualde , svualdrine , troie , vacje , prostitude , schelfe , piore
   Cfr. putan
   
   1. femine di pocje moralitât, ancje tant che ofese gjeneriche:  "No stâ molâmi" al à tacât a berlâ tant che mi slontanavi. "Brute putane, tu mi coventis" (Francesca Gregoricchio, Mai plui)
   2. s.f., adi., inter. in imprecazions, par pandi rabie, maravee e v.i.:  "La plante. Tu le âs taiade." "Porche putane!" (Fabiano Fantini, Claudio Moretti, Elvio Scruzzi, Garage 77)
2. s.f. (fig.) persone che si lasse comprâ, corompi, che e fâs il so interès cence nissune moralitât:  […] ducj chescj sunets ju à dedicâts a mi, par fâ la pâs dopo la ultime voltade di bandiere. Nol isal nancje une grant putane Momolo Bressan, che Dio i perdoni? (Arturo Feruglio, El lunis di Titute Lalele)

Polirematichis e espressions idiomatichis

• a la plui putane loc.av.
• ae plui putane loc.av.
• lâ a putanis loc.v.

Proverbis:

• bêçs di lot, di pene e di putane no durin trop
• cui che nol cjate donzelis al bale cun putanis e cui che nol cjate putanis al bale cun massariis di predi
• daspò da la avemarie a zirin lis putanis
• denant trat si paie lis putanis
• di gnot a zirin lis putanis
• dulà che a son cjampanis a son ancje putanis
• lis putanis no deventin rossis
• voli in tane, raze putane