Dizionari de Lenghe Furlane

piore  /-ó-/  pio|re  [FO]

1. s.f. animâl dumiesti che al da lane e lat, lat.sient. Ovis aries:  tal soreli un grant trop di pioris a passonavin cuietis (Pieri Somede dai Marcs, Clâr e scûr); 'Sute e lave a passon cu lis pioris dilunc dal flum (Dino Virgili, La aghe da pît la cleve)
   Sin. fede² ipon.
   Var. fede² , pieure
   Cfr. roc¹ , cjastron , agnel , lane , toson , bebeâ , adin , beâ¹
2. s.f. cjar macelade o cuete di chel animâl:  brustulâ vues, cjar di secont tai di piore, cun selino, carotis e cevole taiâts a tocs (Sandri Carrozzo, Pane frattau); cuant che il Cosac i veve puartât di cene, i veve dit: "Che al provi mo, ispetôr, se i plâs la piore di montagne!" (Roberto Ongaro, Cretevierte)
   
   1. piel di chel animâl:  i fruts a jessevin di corse te strade berlant: «Mame, mame ven a viodi. I pastôrs vistûts di piore come tal presepi dal Vicjari!» (Alan Brusini, Come tai romançs)
      Sin. fede²
3. s.f. bestie mugnestre o ancje spaurose:  il mastin al è deventât une piore
   Sin. piorute , agnel , agnelut
4. s.f. (fig.) persone cence volontât o iniziative:  la cuistion e je une sole, che sês un trop di pioris, cence medole (Pieri Somede dai Marcs, Un pugn di moscjis); tancj di lôr che a sberlin tant che leons par scuindi la piore che a àn dentri (Alan Brusini, Par stradis lungjis)
   Sin. cunin , piorate , piorute
5. s.f. (volg.) femine che e vent prestazions sessuâls, o ancje femine di pocje moralitât, massime tant che ofese:  chê fantate dai cjasâi in cjaranducis che i disin la piore, usgnot passade la comari cu la sô sîscent le à puartade in ospedâl (Pieri Somede dai Marcs, Il prossim)
   Sin. barache , boldraghe , buzaragne , buzarone , pelande , petroce , pufare , putacje , scaie , scorsegate , scrove , sdroncine , sdrondine , sdrondule , sfondrade , sfondri , slondrone , sludre , svualde , svualdrine , troie , vacje , prostitude , schelfe , putane

Polirematichis e espressions idiomatichis

• cjan di pioris loc.s.m.

Proverbis:

• a jessi masse bogns, si è tratâts di piore
• cuant che la piore e à fat il mâl, par chel che e vâl e crepe
• cuant che la piore e beghere, e piert il bocon
• cui che al à pioris al à ancje piels
• cui che si fâs piore il lôf lu mangje
• di gnot dutis lis pioris a parin neris
• Diu nus vuardi dai scalçs di piore e des scuarnassadis di cai
• fati piore e il lôf ti mangjarà
• il lôf al mangje pioris contadis
• il lôf no i domande al pastôr che i dei lis pioris
• l'om che si fâs piore il lôf lu mangje
• la muart dal lôf e je la fortune des pioris
• la muart de piore e je la fortune dal lôf
• la muart de piore e je la vite dal corvat
• la piore fûr dal trop e je simpri triste
• la piore intant che e bebee e piert la bocjade
• la piore no po fâ vuere cul leon
• lis tristis pioris a son simpri fûr di trop
• miôr dâ la lane che no la piore
• miôr pierdi la lane che no la piore
• muarte la piore e je finide la lane
• muarte piore, fortune dal lôf
• no si po vê piel e piore e lane parsore
• no si vent dutis lis pioris che a van a marcjât
• o plui fen o mancul pioris
• putrops lôfs a stan pôc a mangjâ une piore
• spongje di vacje, formadi di piore, scuete di cjavre
• trops lôfs a stan pôc a distrigâ une piore
• trops lôfs tor di une piore le àn prest distrigade