cunin
/-ìn/
cu|nin
[AF]
-
s.m.
non comun di plui speciis de famee dai Leporidis, soredut in riferiment al Oryctolagus cuniculus, cun orelis lungjis, code curte, lis çatis daûr plui lungjis che i permetin di saltâ, che al è tignût ancje dumiesti pe cjar, pe piel o ancje di compagnie:
Checut […] al cjamine spedît cun sô mari, dongje de Tor, a lidrichessis. Lis dan di mangjâ ai cunins (Checo Tam, Beromünster e Monteceneri);
parmìs de palade / un trop di cunins, / che crustin la jerbe, / svoglitin impins (Enrico Fruch, Te cort)
-
cjar di chel animâl:
lis cjars magris (poleç, dindi, vidiel e cunin) a puedin jessi consumadis plui des cjars rossis (Guglielmo Pitzalis, Mangje san 3)
-
piel di chel animâl
-
s.m.
(fig.)
cui che al è plen di pôre, che al scjampe dai pericui:
[cu la disfate di Cjaurêt] il vescul di Udin, A. A. Rossi, il plui leon e il plui farneticant di ducj, si è tramudât in cunin, scjampant in Italie (Antoni Beline, A novante agns dal «stragjo inutil»)
Sin. jemplebraghessis
, molebraghessis
, piore
, viliac
-
s.m.
(fig.)
in metaforis o paragons, cui che al fâs tancj fîs:
se o ai di strussiâmi dute la vite intai cjamps, e fâ fruts come une cunine, tant vâl che o resti vedrane! (Gianni Gregoricchio, Trê feminis)