Dizionari de Lenghe Furlane

cjastron  /-òn/  cjas|tron  [AF]

1. s.m. agnel spadât:  e torne di passon la pastorele, / va pensant al so ben, / cjante la falulele, / e i cjastrons indevant pare di trot (Pieri Çorut, La gnot di Avrîl su la coline di Buri)
   Sin. cjastrât , adin
2. s.m. mascli intîr de piore:  te storie di Sante Marie, un pas indenant no di pôc e je stade la gnove stazion di monte taurine. […] Pes pioris, al jere invezit là insù il cjastron di Pilete (Ivano Urli, La gnove stazion)
   Sin. roc¹ , monton
   
   1. [TS] astrol., astron. ancje tant che denominazion de prime costelazion dal zodiac:  21 (di Març) S. Benedet, Soreli cul Cjastron (e jentre la Vierte) (Gianfranco D'Aronco, Il Strolic furlan pal 1960)
3. adi., s.m. persone che no capìs nuie, ignorante e ustinade, ancje tant che ofese gjeneriche:  jal ai dite tantis voltis che il vin i fâs mâl, che al è la malore de cjase, o ai tant preât, businât, tempestât ma dut dibant, un cjastron che nol capìs une madocule (Pieri Somede dai Marcs, Al fresc); agn di fornâs che si disglagnavin dome par ingrumâ [bêçs] par chei cjastrons [di fîs] che no lu mertavin (Maria Forte, La tiere di Lansing); «Cui isal chel cjastron che al à lassât la pale culì?» (Carlo Sgorlon, Prime di sere); tante int no va in glesie e no crôt in nuie par colpe di un predi cjastron o salvadi (Antoni Beline, La fabriche dai predis)
   Sin. cjamoç¹ , cjaviestri , coion , gnogno , stupit , roc¹ , mus , cjavron
4. s.m. cusidure gruesse e fate mâl
   Sin. frice
5. s.m. [TS] med. viôt mâl dal cjastron

Polirematichis e espressions idiomatichis

• mâl dal cjastron loc.s.m.