cjaviestri
/-é-/
cja|vies|tri
[AF, TS]
-
s.m.
[TS]
tecn., artes.
cubie di cenglis o di cuardis par leâ i cuars dai bûs cu la ponte dal tamon dal cjar:
ur poià su la cope il jôf, ur impirà tai cuars i cjaviestris e, metût su di se un grabatul e une fassice di lane, cul stombli al segnà une crôs su la nêf (Maria Forte, L'avôt)
Var. cjavestri
-
adi., s.m.
che, cui che no si adate di opinion, di mût di fâ e v.i., che no si lasse convinci o divoltâ, che nol sint resons:
il perît al jere lât e tornât plui di une volte, simpri cun gnovis propuestis par che no si pestassin, ma simpri dibant. Il plui cjaviestri al jere Nando, che al suspietave di ducj (Pieri Menis, Il testament);
fradi fradi ce cjaviestri che tu sês… no tu capissis propit une madocule… (Pieri Somede dai Marcs, Un pugn di moscjis)
Sin. cjastron
, dûr
, durion1
, insurît
, tegnôs
, testart
, trus
, ustinât
, roc1
, rochel
, maçûl
, maçulat
Var. cjavestri
, scjaviestri
-
adi., s.m.
che, cui che no si plee aes regulis sociâls, ae dissipline:
so fradi Pauli, chel cjaviestri di bulat che nol cognòs ni leç ni regno, lu menave su la biciclete e, saio jo cemût, al è lât a urtâ daprûf di un camion (Josef Marchet, Lis predicjis dal muini);
voie di fâ nuie e simpri plui plaçarûi e cjaviestris (Pieri Somede dai Marcs, Caritât)
Sin. baron
, insurît
, plaçarûl
, rebolât
, ribel
, bastiancontrari
, salvadi
, bulo
-
adi., s.m.
(fig.)
ancje di plantis, o elements inanimâts o astrats, che a tornin cun indurance, che a resistin, che no si lassin cambiâ:
la ploie no jere rivade a bati la canicule che, come un cjalcjut, tornave cjaviestre a rimpinâsi su la cope de int scjafoiant la piel tun sudôr tacadiç (Sandri Di Suald, Ah! la provincie);
la fonde de vite, mi domandi spes, no restie simpri ferme intal timp obleât e dolç dal madurîsi di une cjariese? O tal dreçâsi cjaviestri de menighe, dopo une bissebove? (Raffaele Serafini, Contis sot spirt)