Dizionari de Lenghe Furlane

pelande  /-à-/  pe|lan|de  [CO]

1. s.f. toc di vistiari che al cuvierç la part parsore dal cuarp, lunc e larc, in gjenar cu lis maniis:  gotis di ploia tant che rosada si ingrumavin su la pelanda blancja (Celso Macôr, Montagna)
   Cfr. gaban
2. s.f. piel di bestie cul pêl, sedi intor de bestie, sedi gjavade e lavorade:  [la cjavre] la cjali e scuadri - par ogni bande, / fissantle i cjati - plui di une pecje, / intant si puedin - contâi lis cuestis / pelande brute - scunide e secje (Zaneto, La cjavre di Meni muini)
   Sin. pelam , pelice
   Cfr. toson
3. s.f. (pop.) femine che si prostituìs:  Flavie la bionde che, par sei la plui biele des pelandis de place, e jere sentade tal puest di onôr, dacîs di Mirtillo, e jere daûr a contâ di une sô gnot passade cuntun siorat (Amedeo Giacomini, Tal ospedâl); e tant che ne pelande di ogni bande, / par sagris e breârs a sfreolâsi / cun Neio, Fico e Sgrot, di stomeâsi! (Meni Ucel, Fi di nissun)
   Sin. barache , boldraghe , buzaragne , buzarone , putane , petroce , pufare , putacje , scaie , scorsegate , scrove , sdroncine , sdrondine , sdrondule , sfondrade , sfondri , slondrone , sludre , svualde , svualdrine , troie , vacje , prostitude , schelfe , piore
   
   1. femine di pocje moralitât, ancje tant che ofese gjeneriche:  mi à dit la ire di Diu e cussì la setemane passade e altris voltis. Al è avonde che i passi un fros sot dal nâs par butâmi cuintri un ledan di peraulis sporcjis. Mi à dit fintremai che o soi une pelande… mi à dit… (Maria Forte, Varc di confin)