Dizionari de Lenghe Furlane

carûl  ca|rûl  [AF]

1. s.m. piçul inset de famee dai Anobidis che al fâs busis tal len:  dopo vêle lavade ben e no mâl [une panarie], e stropât lis busis dai carûi cul stuc, le slicà cu la cjarte di veri e i de di lustrifin (Carlo Sgorlon, Prime di sere); ogni tant si fermave tal mieç dal discors, e in chei jenfris, cundut che il fogolâr al fos plen di int, si podevin sintî a crugnâ i carûi disore, tes cjamaris (Meni Ucel, Il sunsûr)
2. s.m. (fig.) idee, suspiet, sensazion e v.i. che e tormente di un continui:  a jerin stâts i voi di chel om, cuant che lu vevin cjalât, a metii chel dubi e lis sôs peraulis calmis, ancje denant de muart, a impastanâi il carûl dal rimuars (Roberto Ongaro, Il muc); nol jere di sigûr vêr, ma il carûl dal dubi mi roseave parentri (Alan Brusini, Gian Paolo Linda, I forescj)
   Sin. asei , claut , fastidi , pinsîr , scrupul , torment , cruzi
   
   1. brame fisse:  i mancjave dome di jessi vescul e al spietà la nomine fintremai la ultime dì, come Ganis, che a vevin il carûl ducj i doi (Antoni Beline, Pre Pitin)
3. s.m. (fig.) difiet dal fisic, dal pinsîr, dal spirt e v.i.:  chel banducel di gno zinar, che al à di vê trentevot carûi tal cerviel, ce si impensial di fâ? (Josef Marchet, Lis predicjis dal muini)
   Sin. mende , bau¹ , difiet , vier , magagne , pecje , tare

Polirematichis e espressions idiomatichis

• carûl intal cerviel loc.s.m.
• carûl intal cjâf loc.s.m.
• carûl tal cerviel loc.s.m.
• carûl tal cjâf loc.s.m.

Proverbis:

• ogni len il so carûl