asei
/-éi/
a|sei
[CO]
-
s.m.
orghin difensîf o ofensîf di cierts animâi, soredut âfs e jespis, che al permet di becâ e di inietâ velen:
un nît di gjespis che àn tal cûl l'asei (Pieri Corvat, El cuarantevot)
Var. nasei
-
s.m.
[BF]
velen inietât cun chel orghin o ancje scliçât di cierts animâi:
se ti sôs becât di una âs o di na jespa, cjapa subit la vera e schissa intor dal becon in maniera che l’asei al ledi fôr (Dani Pagnucco, Il Strolic furlan pal 2017)
-
s.m.
(fig.)
in metaforis o paragons par volê dî alc che al beche, che al ferìs, che al tormente:
e dal asei di Amôr becât il cûr, / "Nine, i disè, se no ti sposi o mûr." (Pieri Çorut, I pulçs);
mi tornin te memorie / i dîs che frut, scuelâr, / l'asei de nostalgjie / tal cûr sintivi amâr (Gustavo Tavoschi, L'agnul dal cjiscjel)
-
s.m.
part di dentri des pomis secjis:
la nole ben madure a ten l'asei (Pieri Mation, manuscrit cit. di Gorgio Faggin, Vocabolario della lingua friulana)
Sin. cuc3
Cfr. sgjarui
, pagnut