Dizionari de Lenghe Furlane

vier  /-èr/  vier  [AF]

1. s.m. [AF] molusc cence çatis, cun cuarp lunc, fin e plui o mancul cilindric:  cirint pa lis busutis / se mai al po cjatâ / la sô vivande solite / di un viar o di un moscjin, / il repipin (Zuan Batiste Galeri, Il repipin)
   Var. vierm , viern
   
   1. [TS] zool.com. non comun des speciis dai phyla dai Anelidis, Nematodis, Nematomorfs, Nemerteus e Platelmints:  ducj i vertebrâts a vegnin di un protocordât che al veve une forme slungjade come chê di un vier (Franc Fari, La evoluzion dal çurviel e de cussience tai vertebrâts)
2. s.m. (pop.) tal pl., parasits intestinâi:  la salvie e l'osmarin a coventavin par curâ lis malatiis respiratoriis e si lis meteve tes sgnapis che po dopo si davin ai fruts par curâ i viers (Nella Costantini, Manuela Quaglia, L’ort di une volte: une storie dal Friûl)
   
   1. larve di inset:  un vier tune cjariese passade (Maria Forte, La tiere di Lansing); li tistigni […] a son duti cul vier (Novella Cantarutti, Il cuntrabant)
      Sin. ruie , cudul , bau¹
3. s.m. (fig.) difiet, soredut se profont e platât:  [il stât nazionalist] al à dentri di se, tal cûr dal so implant, il vier de sô disfate (Antoni Beline, Minorancis: un dirit o un delit?)
   Sin. carûl

Polirematichis e espressions idiomatichis

• fâ i viers loc.v.

Proverbis:

• il vier al tache simpri il miluç plui bon
• il vier al tache simpri il pom plui bon