tonade
/-à-/
to|na|de
[CO]
-
s.f.
ton, sun fuart fat dal fulmin:
al zuiâ de lis saetis / al orôr des tarlupadis / al sussûr de lis tonadis (Toni Broili, I trucs furlans 1847)
Sin. ton1
-
s.f.
esplosion e in particolâr sun fuart fat di une esplosion:
in chel si sintì une tonade [di une sclopetade] e Baldo al sdramassà par tiare (Dino Virgili, Devant di dut il cîl);
Zorç al sint la prime tonade di canon che e rimbombe (Gianfranco Pellegrini, Torse Sand Creek)
Sin. ton1
-
colp di arme di fûc:
po tancj di lôr, stufâts di ste monfrine, / si dan une tonade in cualchi braide, / par fâ scrivi tal sfuei: La vite… è nie! (Antoni Bauzon, Te grant zitât)
-
s.f.
impat o colp une vore fuart:
incident… / mortâl. / Sul colp. / Nancje un respîr / prime di murî. / Sul colp. /Sì. / Une biele tonade. (Paolo Sartori, Tele di ragn)
Sin. ton1
-
(fig.)
efiet une vore negatîf o fat che al cause un efiet une vore negatîf:
al è miôr comprometisi tal ben che no tal mâl: se o lin cuintri cualchi partît o il Vatican pal ben des pioris, o cjaparìn une tonade in cheste vite, ma no in chê altre (AAVV, Avost 2014 un befel che al à fat storie)
-
s.f.
sun fuart, ancje no di une esplosion:
un grant vâs di crep plen di rosis si spache par tiare cuntune tonade (Pieri Somede dai Marcs, Pression alte)
Sin. ton1
