Dizionari de Lenghe Furlane

croc  /-ò-/  croc  [CO]

1. fonosimb., s.m. sun di alc che si creve, che si romp:  bun, pss croc crac, / colin mûrs, / cjadin cops (Toni Broili, La metamorfosi udinese dai 17 Març ai 24 Avrîl 1848)
   Sin. crec , crac¹
2. s.m. colp dât cun fuarce, soredut cul pugn o cun alc che si ten in man:  molave crocs te crepe e pugns jù pe schene di dispadolâju (Antoni Beline, Pre Pitin); e jo, impins ancjemò par miracul, a sfreolâmi i voi, stufulît, par parâ vie lis lusignis che o viodevi, chês sì!, par chel croc di cjane gargane (Pieri Menis, A dutrine)
   Sin. carobule , ceregne , ceve , cevole , copete , crufule , bote¹ , fotecje , legnade , poc¹ , pocade , raclade , slepe , slocje , sove , stringhe , vene² , vuadule , vueche , cuaie , crup , pache , ton¹ , sgnesule , tonade , briscule , batude , colp , croste , sissule , slep , trusse , vuaiade , vuaìne , ruf , sgaruf , cudumar