Dizionari de Lenghe Furlane

vene²  /vè-/  ve|ne  [CO]

1. s.f. bot.com. plante che e prodûs grans che si puedin mangjâ, lat. sient. Avena sativa:  i todescs a àn començât a doprâ la machine di semenâ forment, siale, vene e vuardi (Riedo Pup, Nonos e nonis a nauli)
   Var. avene
   
   1. la semence di chê plante, spec. tant che mangjâ di animâi o ancje di personis:  [i mus] si contentavin di cualchi pugn di vene e di une sope di vin (Riedo Pup, La ultime barele); il mus al spere simpri te vene che no rive mai (Maria Forte, "Nossent")
2. s.f. (fig.) bote, pache, viôt dâ la vene

Polirematichis e espressions idiomatichis

• dâ la vene loc.v.

Proverbis:

• a chel mus che nol puarte bast, no si dai vene
• al mangje plui vene chel mus che nol tire la carete
• cui che al à mangjade la vene che al tiri ancje il cjar
• cui che al mangje la vene che al tiri la carete
• il cjaval nol piert timp co al mangje la vene
• o di fen o di vene la panze e à di sei plene