Dizionari de Lenghe Furlane

crugnul  /crù-/  cru|gnul  [CO]

1. s.m. clap grant:  e lui dûr come i crugnui dal flum (Dino Virgili, La aghe da pît la cleve)
   
   1. (fig.) robe dure o induride:  [la gjachete] je deventade un crugnul tal soreli (Dino Virgili, La gjachete su la glove)
2. s.m. tace di veri piçule, par licôrs:  i beif mieç crugnul di sghirla e i voi a slofegn (Antonio Roja, cit. in Carlo Tolazzi, Aggiunte al Nuovo Pirona)
   Sin. bussul
3. s.m. bote, colp fuart:  "[…] No zove nancje vuardâsi: îr mi à petât un crugnul pe spale, che mi dûl ancjimò. Ah! ce vulintîr che i sarès saltade tai voi!" (Ercole Carletti, Mariute)
   Sin. carobule , ceregne , ceve , cevole , copete , crufule , cuaie , fotecje , legnade , poc¹ , pocade , raclade , slepe , slocje , sove , stringhe , vene² , vuadule , vueche , croc , crup¹ , pache , ton¹ , sgnesule , tonade , croste , bisate , vuadolade , vuaìne , briscule , cudumar , batude , colp , sissule , slep , trusse , vuaiade , ruf , sgaruf , faliscje , sope , sorbet , bote¹ , fritule
   
   1. segn o sglonfidugn lassât di un colp:  il siôr, cul veladon slambrât, al torne fûr cuntun crugnul par bande sul çarneli che al mi pareve un bo (Emilio Nardini, La Signorine Mie)
      Sin. bolze , cluc² , curumbere , curumbule , macadure , macolade , macjadure , macoladure , macule , gnoc , ceregne , grumbule , gnucul , gnucule , ciespe , brugnul , brombul , ceve , bote¹ , crugnule , cevole , crup¹ , clup