faliscje
/-lì-/
fa|lis|cje
[AF]
-
s.f.
tocut di materie in bore che al svole sù di un fûc o ancje piçul toc slusint che al pues saltâ vie di un materiâl dûr che al ven batût, seât o sim.:
o resti ancjemò un pôc intor dal fûc a cjalâ lis faliscjis a svoletâ (Cristina Noacco, Faliscjis);
il vieli al strucjave il vin sul çoc che al jere za dut un boreâr e al cricave faliscjis (Dino Virgili, La aghe da pît la cleve)
Sin. falive
, lusigne
Var. faluscje
-
chel tocut di materie che al è jevât sù, ma che al è aromai distudât e al cole jù o al è puartât vie dal aiar:
ator dal burielon dal pignarûl la int e faseve corone cjalant il fum che al leve sù tal scûr dal cîl misturât di lusignis che e murivin a la svelte e di faliscjis che e colavin jù pai cjâfs (Pieri Menis, I siops)
-
s.f.
(fig.)
colp:
cagne e là, / fûr di ca / cjapi le scove, us doi un cuatri faliscjis! (Zuan Minut, Cui aie reson)
Sin. bote1
, pache
, sgnesule
, vuadolade
-
s.f.
(fig.)
motîf, ancje piçul, che al prodûs a colp un efiet:
e baste une faliscje par fâ vignî fûr dute la cagnetât, dutis lis cualitâts piês dal om (Laurin Zuan Nardin, Recension di Alviero Negro, Strumîrs e Çambarlans, Udin, 1978)
Sin. lamp1
-
piçul element o piçule cuantitât di alc che al pues jessi paragonât cul fûc o cu la lûs, par energjie, fuarce, positivitât e v.i.:
a puedin esisti dome parcè che parentri a àn chê faliscje di "vite" (Fabian Ros, Il lôf);
celebrâ chest 3 di Avrîl nol sarà un at retoric, ma une faliscje di futûr (Dree Valcic, Vive il 3 di Avrîl! In barbe a cui che nus viôt sotans)
-
s.f.
floc di nêf o nêf fine:
fôr, tal parchegjo dal ospedâl, uno lizero faluscjo e tacavo a vegni jù (Fulvio ReddKaa Romanin, Geologicamente impossibile)
Polirematichis e espressions idiomatichis