Dizionari de Lenghe Furlane

at  at  [FO]

1. s.m. robe fate in maniere intenzionâl:  e varès vût di complasêsi dai siei ats, dai siei lavôrs (Roberto Ongaro, Cretevierte); la fondazion [di une colonie] e jere un at cuntun profont significât religjôs (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
   Sin. fat¹ , azion¹ , mot , opare , operazion , vore
2. s.m. moment che si è daûr a fâ o che al sucêt alc:  al gafà il pac de propagande e mi cjapà a braç dut content: «Anìn a puartâju jo e te!». Sul at no savevi ce fâ. Se no levi, si ombrive […]. Se o levi, lis sintivi di Ganis (Antoni Beline, Pre Pitin)
3. s.m. manifestazion concrete di un sintiment, di un pinsîr:  di un at di tristerie, di svindic, di crudeltât come chel che al veve fat murî Turo Malet, al jere nassût un at di amôr, di caritât, di solidarietât umane (Roberto Ongaro, Il muc)
   Sin. declarazion , espression , estri , mostre¹ , prove , segn , segnâl
4. s.m. disposizion dal cuarp che e à un ciert valôr simbolic:  figuris di Grandis Maris e Deis tal at jeratic dal preâ (Antonella Riem Natale, Recension di Neuropsicologia dell’esperienza religiosa); si viodevin su la tela [dal cuadri] de lis personis in at di spassizâ (Zuan Luîs Filli, Il diau sul Studeniz)
   Sin. ande , azion¹ , estri , mot , moviment , pose , vore
   
   1. maniere di jessi, di fâ:  Lukas al jere sui cutuardis e al veve l'at seren di so pari (Agnul di Spere, Int no consumade)
5. s.m. [TS] filos. te filosofie aristoteliche l'ogjet che si è realizât, in oposizion a potence
   Sin. entelechie
6. s.m. [TS] filos. realizazion di ogni realtât tal sogjet pensant
7. s.m. [TS] dir. ogni azion volontarie che e à consecuence juridiche:  increment de presince de Arme sul teritori pe prevenzion di ats criminôs (Paolo Tomada, La gnove caserme dai Carabinîrs par Cjampfuarmit, Basilian e Merêt di Tombe)
8. s.m. [CO, TS] dir. document scrit cun valôr legâl:  ai 2 di Fevrâr dal 1980 […] a Udin, al ven firmât l'at costitutîf de Cooperative di Informazion furlane (Max Mauro, Un Friûl difarent: i 90 mhz di Onde Furlane); il nodâr al tirave fûr ancjemò cjartis, altris ats (Franco Marchetta, Madalene)
   Sin. atestât , document , certificât , estrat
   
   1. document di un archivi:  ats di aministrazion dal Ospedâl di S. Marie dai Batûts di Cividât (Zorç Cadorin, Cualchi ipotesi sul furlan di prin di scrivilu)
      Sin. documentazion , document , cjarte , sfuei¹
9. s.m. tal pl., publicazion che e fâs di rindicont des ativitâts di assembleis, cunvignis e v.i.:  cheste Fraie de Vierte dal 2017 e je une Fraie che e vîf i moments di simpri, lis relazions, la presentazion dal numar speciâl dal Sot la Nape […]e dal volum cui Ats de Setemane de culture furlane dal an passât (Federico Vicario, Discors dal president ae Fraie de Vierte di Sedean)
10. s.m. part di une opare teatrâl:  tra il prin e il secont at, i atôrs a laran te sale, tra i spetatôrs, cjantant lis filastrocjis (Luciano Rocco, La foghere)
    Sin. bocon , part¹ , timp , toc¹
    
    1. (fig.) part di un fenomen complès:  la plee de ricostruzion o vin di dâle nô e dome nô, sbaliant nô e dome nô, induvinantle nô e dome nô, parcè che se no o assistìn al ultin at de colonizazion che e dure dal 1420 (Francesc Placerean, Di ducj i dons dal Spiritussant, cumò al covente il don dal coragjo)
       Sin. part¹ , episodi , cjapitul
11. s.m. variazion di colôr di une cierte sorte:  rosutis propit piçulis ma tant profumadis, di colôr zâl cun ats di colôr vert (AAVV, Un puint tra îr e vuê 2)
    Sin. tonalitât , gradazion , bave , pont

Polirematichis e espressions idiomatichis

• cjapâ at loc.v.
• meti in at loc.v.
• sul at loc.av.