declarazion
/-òn/
de|cla|ra|zi|on
[AF]
-
s.f.
il fâ savê in forme vierte, ancje uficiâl:
la gnove leç 29/2007 su la lenghe furlane, par declarazion unanime di dut il consei regjonâl e di dute la zonte regjonâl, e je stade la plui tormentade di dute la legjislature (Sandri Carrozzo, L'Antifurlan)
Var. diclarazion
-
pinsîr, opinion e v.i. pandût a viert, ancje cun formalitât:
lis cjacaradis otimistichis, che si fasin vuê daûr lis declarazions dal guviar nissun lis glot (Josef Marchet, Il pietin e il grop)
-
document li che si comuniche in maniere formâl une situazion, cundizion, disponibilitât, opinion e v.i.:
la domande e varà di sei compagnade de documentazion che e covente: certificât catastâl, situazion di famee, "benestare" dal Inspetorât agrari, declarazion dal Sindic che e garantissi che chê famee e vîf […] nome di agricolture, e perizie legâl dal dan patît (Riedo Pup, Il Strolic furlan pal 1969)
-
s.f.
(fig.)
il sostignî un principi, un valôr e v.i.:
te religjon [i zovins] a cjatin la declarazion de nobiltât dal Uman e dal so destin (Lelo Cjanton, Cuistionute decime)